26 жастағы футболшы мен оның жұбайы Әйгерім қыздарына Айсана деп ат қойды. Олардың тұңғыш қызы Алайя 2023 жылдың мамырында дүниеге келген.
Әліпті қуанышты хабармен оның клубы да құттықтады.
"Көк-ақ-көктер Нұралы Әліпті қызының өмірге келуімен құттықтайды! 5 қарашада қазақстандық "Зенит" қорғаушысының отбасында қуанышты жағдай болды. Оның жұбайы Айгерім екінші баласын дүниеге әкелді. Қызға Айсана деген есім берілді. Сәбидің салмағы - 4300 грам, бойы - 53 сантиметр. Нұралы мен Айгерімді құттықтаймыз және кішкентай Айсана мен әпкесі Алайяға жақсы көңіл күй мен денсаулық тілейміз!", - делінген жазбада.
Нұралы Әліп деген кім?
Айта кетерлігі, жасына қарамастан, Әліп қазіргі таңда Қазақстан ұлттық құрамасындағы ең тәжірибелі әрі көп жүлдеге ие болған ойыншылардың бірі.
"Қайрат" академиясының түлегі саналатын ол "Зенит" сапында Ресей чемпионатының төрт дүркін жеңімпазы және Ресей Кубогінің иегері атанды. Сондай-ақ ол алматылық клубпен бірге Қазақстан чемпионы және Қазақстан Кубогін екі рет жеңіп алған.
Әліп 2022 жылдан бері "Зенит" сапында өнер көрсетіп келеді. Ұлттық құрама сапында ол 56 ойын өткізіп, оның 12-сінде команда капитаны міндетін атқарды.
Transfermarkt порталы Әліпті 2 миллион еуроға бағалап отыр. Қорғаушы Ұлттар лигасы аясында Молдова мен Словакияға қарсы өтетін алдағы ойындарға ұлттық құрама сапына шақыртылды.