+7 (777) 001 44
99
39 жастағы аргентиналық футболшы әлем чемпионаты аяқталғаннан кейін алғаш рет "Филадельфияға" қарсы матчте гол соқты. Ойынның 26-минутында есеп 1:1 болып тұрғанда, Месси айып алаңының бұрышында допты қабылдап, қорғаушыны алдап өтті де, алыс бұрышты дәл көздеді.
Голды тойлау сәті түсірілген видеодан Мессидің бірден саусағын көкке көтергенін көруге болады. Көпшілік бұл ишараны футболшының бірнеше апта бұрын өмірден өткен әкесіне деген құрметі деп қабылдады.
- "Месси көзін аспаннан алмай, эмоциясын жасыра алмады. Ол мұның өзіне алғаш сенген әкесінің рухына тағзым етудің жолы екенін біледі; әкесі қазір көктен ұлының голына қуанып отырған болар. Леоның мұндай сәттегі күйін көріп тебіренбеу мүмкін емес", - деп жазды жанкүйерлердің бірі.
- "Әкесі үшін! Лео Месси әкесі қайтыс болғаннан кейінгі алғашқы голын соғып, саусағымен аспанды көрсетті", - деп атап өтті әлеуметтік желінің тағы бір қолданушысы.
Мессидің өзі соғылған гол туралы пікір білдірген жоқ.
Enganchá y pateá, capitán. 😮💨🪄 pic.twitter.com/dkiuZ6HDYG
— Inter Miami CF (@InterMiamiCF) August 20, 2026
Айта кетейік, аргентиналық футболшы 2:2 есебімен аяқталған матчта толық ойнады. Бұл гол Месси үшін әлем чемпионатынан оралғаннан кейін MLS-тегі алғашқы голы болды - бұған дейін ол тек Лигалар кубогында ғана көзге түскен болатын.
Лионель Месси әкесінен айырылса да, бірден футболға оралды
Еске сала кетейік, 8 тамызда Лионель Мессидің әкесі Хорхе 69 жасына қараған шағында қайтыс болғаны белгілі болды. Ол соңғы жылдары ауыр дертпен күресіп, тіпті әлем чемпионатына да бара алмаған еді.
Сол күні Месси АҚШ-тан Аргентинаға жерлеу рәсіміне ұшып кеткенімен, 13 тамызда қайтадан алаңға шықты. Ойынға бірнеше сағат қалғанда Лионель әкесіне арнап әсерлі жазба жариялады.
"Филадельфиямен" өткен матч Месси үшін әкесінің қазасынан кейінгі үшінші ойын болды - бұған дейін ол "Нэшвиллге" қарсы ойында пенальтиден мүлт кеткенімен, нәтижелі пас берген еді.
Instagram-дағы бұл жарияланымды көру
