Лионель Месси Аргентина құрамасымен қоштасып, мансабын аяқтады

7 қазанға қараған түні Буэнос-Айрестегі (Аргентина) "Монументаль" стадионында Лионель Месси Бенин құрамасына қарсы қоштасу матчін өткізді. Аңыз футболшының мансабының аяқталуына орайластырылған бұл ойын "Соңғы танго" деп аталды.

Стадионға бара жатқан жолдың өзінде мыңдаған адам команданы шығарып салып жатқанда, Месси автобус ішінде көз жасына ерік берді. Әнұран шырқалған сәтте де капитан толқынысын жасыра алмады. Ойынның 10-шы минутында кездесу арнайы тоқтатылып, стадион оның ойын нөмірінің құрметіне бір минут бойы тіре тұрып қошемет көрсетті.

Месси түрегеп тұрып, халықтың ықыласына бөленді.

🚨 LEO MESSI CRYING IN THE BUS 😭 https://t.co/4VAObDR2Nw

— All About Argentina 🛎🇦🇷 (@AlbicelesteTalk) October 6, 2026

Мессидің құрамадағы соңғы матчі қалай өтті?

Бірінші таймда аргентиналықтар басымдыққа ие болғанымен, гол соғылмады. Үзілістен кейін бәрі тез шешілді. 48-ші минутта Месси бұрыштамадан доп асырып, Николас Отаменди басымен есеп ашты.

61-ші минутта капитан Нико Пасқа дәл пас шығарды – жас ойыншы әдемі соққымен есепті 2:0-ге жеткізді.

Ал 71-ші минутта Агустин Гиайға қарсы жасалған фолдан кейін төреші пенальти белгіледі. Месси оң жақ жоғарғы бұрышты дәл көздеп, есепті 3:0-ге дейін ұлғайтты. Бұл оның Аргентина сапындағы 126-шы голы еді. Ойын соңына дейін ол тағы бірнеше қауіпті сәттер ұйымдастырғанымен, Бенин қақпашысы бірнеше рет сейв жасап, қақпасын аман алып қалды. Финалдық ысқырық бүкіл стадионның ду қол шапалағымен естілді.

Матчтен кейін "Монументаль" аспанында дрон шоуы басталды. Жүздеген ұшқышсыз аппарат Мессидің бейнесін, "Gracias Leo" деген жазуды және оның мансабы мен 2022 жылғы әлем чемпиондығына қатысты басқа да нышандарды бейнеледі. Команда мен капитан алаңда тұрып, аспанға көз тікті. Дрон шоуы отшашумен, музыкалық қойылымдармен және ресми құттықтаулармен жалғасты.

🇦🇷 | AHORA — En pleno homenaje a Messi, todos esperaban ver su nombre en el cielo… pero los drones mostraron primero una publicidad y el Monumental respondió con abucheos. https://t.co/Z1C9i2RXp7

— Polymarket Español (@polymarketenesp) October 7, 2026

Месси микрофонды алып, жанкүйерлерге үндеу жасады. Оның сөзі ұзақ әрі тебіреніске толы болды. Ол алдымен жақында ғана өмірден өткен әкесі – Хорхе Мессиді еске алды. Сондай-ақ Месси құрамамен қоштасу өзіне өте ауыр тиіп жатқанын жеткізді.

"Сөйлеудің өзі қиын болып тұр. Эмоция өте көп. 20 жылдан астам уақыт бойы осы жейдені киіп жүру мен үшін үлкен мақтаныш болды. Ең ауыр сәттерде де мен күресуді тоқтатпадым және бар күшімді салдым. Бұл жерге енді оралмау өте ауыр. Құдай куә, мен мұнда өмір бойы келгім келер еді, өйткені Аргентина құрамасында ойнау – басыңа қонатын ең үлкен бақыт", - деді Месси.

🇦🇷 | La gran despedida final de Lionel Messi y el adiós a la selección argentina. "Hoy me toca vivir el día más triste de mi career: despedirme de la selección. Ahora me toca acompañar. Los quiero, agradezco a Dios y estoy orgulloso de ser Argentino." https://t.co/NhZbyH4uTb

— Mia 🍋 (@Mialygosa) October 7, 2026

Капитан командаластарына алғыс айтып, оларды әлем чемпионатын, Америка кубогін және Финалиссиманы жеңіп алу арманын жүзеге асыруға көмектескен жауынгерлер деп атады.

Команда мүшелері де толқынысын баса алмады. Көптеген ойыншы жылап жіберді. Әсіресе Энцо Фернандестің капитан сөзін тыңдап тұрып, көз жасына ие бола алмағаны байқалды.

"Менің бұл жерден кеткім келмейді. Осы алаңнан кеткім келмейді. Мен сіздерді жақсы көремін, сіздерді сағынатын боламын. Аргентиналық болғаным үшін Құдайға рахмет айтамын. Өзімнің аргентиналық екенімді және бұл арманды сіздермен бірге орындағанымызды мақтан тұтамын", - деп түйіндеді Месси.

LEO MESSI: “I don’t want to leave here.” 😭💔 ONE OF THE SADDEST MOMENTS… 🥺 THANK YOU FOR THE HISTORIC MEMORIES, LEO. 🐐❤️ https://t.co/0MxaPUwyBR

— Rehan 56 (@imrehan056) October 7, 2026

Аргентина құрамасының бапкері Лионель Скалони де сезімге ерік берді, ол әдетте стадионда эмоциясын көрсетпейтін жан. Дәл осы маман қоштасу матчін өткізуді табандылықпен талап етіп, "бұл күні жыламай тұру қиын болатынын" және мұндай ойыншыны шығарып салу рәсіміне қатысу – үлкен мәртебе екенін алдын ала айтқан болатын.

Scaloni never shows emotions, even when his team won some of the most legendary matches in history, usually ice cold and calm but he couldn’t hold back tears during Messi’s farewell. https://t.co/x0LXHjLaJw

— Messi Fanatic (@MessiFanatic_) October 7, 2026

Осылайша, Лионель Мессидің Аргентина құрамасындағы 21 жылдық тарихы аяқталды. Ол әлем чемпионы атағымен, екі Америка кубогімен, ұлттық құрама сапындағы голдар мен матчтер саны бойынша рекорд орнатып кетті.

Криштиану Роналду Португалия құрамасындағы жанжалдан кейін кешірім сұрады