+7 (777) 001 44
99
19 жастағы вингер Францияға қарсы ойын оның өміріндегі ең маңызды матч болатынын, бірақ бұл күн испандықтар үшін "ерекше" болатынына сенімді екенін айтты.
"Мен ешқандай қысым сезініп тұрған жоқпын. Мені бабында емес деп жатырсыздар, демек менен ештеңе күтпеулеріңізге болады. Бірақ ертең бәрі жақсы болатынына сенімдімін. Ертеңгі күннің ерекше болатынына күмәнім жоқ. Бұл менің мансабымдағы ең ірі әрі маңызды матч екені сөзсіз", - деп келтіреді ойыншының сөзін Marca.
Еске сала кетейік, Испания құрамасы Францияға қарсы ойынын 14-нен 15-ші шілдеге қараған түні өткізеді. Жеңімпаз әлем чемпионатының финалына шығады.
Ямальға келетін болсақ, әлемдегі ең қымбат ойыншы әлем чемпионатының алты матчінде тек бір гол соқты.
🔴 ТІКЕЛЕЙ ЭФИР | ЛАМИН ЯМАЛЬДЫҢ баспасөз мәслихатын тыңдаймыз #ElLarguero
— El Larguero (@ellarguero) 13 шілде, 2026
😍✨ "Мен қысым сезініп тұрған жоқпын. Өздеріңіз мені бабымда емес деп жатырсыздар, сондықтан менен ештеңе күтудің қажеті жоқ, бірақ ЕРТЕҢ ЕРЕКШЕ КҮН БОЛАТЫНЫНА сенімдімін" pic.twitter.com/TB6xJ8uWHK
Ламин Ямаль туған күнін әлем чемпионатында атап өтті
"Барселона" мен Испания құрамасының жұлдызы небәрі 19 жаста екенін еске сала кетейік. Ол туған күнін кеше ғана - 13 шілдеде атап өтті.
Бұл ретте оның еншісінде "Барселонамен" бірге Испанияның екі дүркін чемпиондығы және Испания құрамасымен Еуро-2024 жеңісі бар.
Қазіргі таңда оның есебінде 182 матч пен 56 соғылған гол бар.
Instagram-дағы бұл жарияланымды көру
Испания - Франция: жартылай финал қашан болады?
Еске сала кетейік, 1/4 финалда француздар Марокконы (2:0), ал испандықтар Бельгияны 2:1 есебімен жеңген болатын.
Финалға жолдама үшін шайқас 15 шілде күні Қазақстан уақытымен 00:00-де басталады.
Instagram-дағы бұл жарияланымды көру
Бұған дейін Испанияның бұрынғы премьер-министрі Мариано Рахой футболдан әлем чемпионатындағы Франция құрамасында "француздар жоқ" деп мәлімдеді.
Ал белсенділер ФИФА-ға қарсы петиция жариялап, онда Аргентина құрамасын әлем чемпионатынан шеттетуді талап етті.
Суперкомпьютер ӘЧ-2026 жеңімпазын анықтады: ол барлық жартылай финалистерді дөп тапты
