Мбаппе кубоксыз қалды: Испания әлем чемпионатының финалына шықты

Еске сала кетейік, жартылай финалға дейін француздар алдымен Швецияны ойсырата жеңіп (3:0), содан кейін Парагвайдан басым түсіп (1:0), ал ширек финалда Марокконы қапы қалдырған болатын (2:0).

Испаниялықтарға келетін болсақ, олар Аустрияны бет қаратпай ұтып (3:0), кейін Португалиядан минималды есеппен айласын асырып (0:1), ал 1/4 финалда Бельгияны жеңді (2:1).

Матч барысы

22-минутта испаниялықтар пенальти тебу құқығына ие болды. Франция қорғаушысы Люка Динь вингер Ламин Ямальға қарсы ойын тәртібін бұзды.

Допқа Микель Оярсабаль жақындап, қақпаның оң жақ бұрышын дәл көздеп, есеп ашты.

Екінші таймның 58-минутта испаниялықтар басымдықты еселей түсті: қорғаушы Педро Порро Дани Ольмомен пас алмасып, айып алаңына басып кірді де, допты торға тоғытты.

Матчтің қорытынды есебі - Испания құрамасының пайдасына 0:2.

Осылайша, Испания құрамасы 2026 жылғы Әлем чемпионатының финалына шықты, онда олар Англия - Аргентина жұбының жеңімпазымен кездеседі.

Ал Франция осы матчте жеңілген командамен үшінші орын үшін таласады.