“Медитация жасаңыз немесе дұға етіңіз“: ФИФА басшысы ӘЧ сыншыларына қатаң жауап берді

ФИФА президенті Джанни Инфантино өзінің әлеуметтік желілерінде мәлімдеме жасап, сыншыларға мысқылмен медитация жасауды, дұға етуді немесе жай ғана футбол көріп, рақаттануды ұсынды.

"Өшпенділік пен сынға тым қатты беріліп, бәрін өткізіп алғандарыңызға өкінемін. Қалам-қағаз бен экран артына тығылып, өшпенділік пен жалған қауесет тарататындарға айтарым: сіздер шетте отырғанда, біз ФИФА-да алдыңғы шептеміз – ұйымдастырумен айналысамыз, тер төге еңбек етеміз және әлемдегі ең үздік шоуды жасаймыз", - деп жазды ол.

Ол жарыс басталғалы бері бірде-бір зорлық-зомбылық жағдайы немесе ірі оқиға болмағанын ерекше атап өтіп, іс-шараның толық қауіпсіз екенін мәлімдеді.

Инфантино спорттың оң рөліне мысал ретінде Иран құрамасын келтірді: команда алаңға шыққан бойда, трибунадағы жанкүйерлердің наразылығы жаппай қолдау хорына ұласты.

Оның пікірінше, бұл футболдың саясаттан тыс болуы керек екенін растайды.

Еске салайық, Джанни Инфантино ФИФА-ны 2016 жылдан бері басқарып келеді және 2023 жылы жаңа мерзімге қайта сайланды.