“Медитация жасаңыз немесе дұға етіңіз“: ФИФА басшысы ӘЧ сыншыларына қатаң жауап берді

Фото: instagram.com/gianni_infantino

Халықаралық футбол қауымдастығының (ФИФА) президенті Джанни Инфантино 2026 жылғы Әлем чемпионатының хейтерлеріне үндеу жасады, - деп хабарлайды Tengri Sport.

ФИФА президенті Джанни Инфантино өзінің әлеуметтік желілерінде мәлімдеме жасап, сыншыларға мысқылмен медитация жасауды, дұға етуді немесе жай ғана футбол көріп, рақаттануды ұсынды.

"Өшпенділік пен сынға тым қатты беріліп, бәрін өткізіп алғандарыңызға өкінемін. Қалам-қағаз бен экран артына тығылып, өшпенділік пен жалған қауесет тарататындарға айтарым: сіздер шетте отырғанда, біз ФИФА-да алдыңғы шептеміз – ұйымдастырумен айналысамыз, тер төге еңбек етеміз және әлемдегі ең үздік шоуды жасаймыз", - деп жазды ол.

Ол жарыс басталғалы бері бірде-бір зорлық-зомбылық жағдайы немесе ірі оқиға болмағанын ерекше атап өтіп, іс-шараның толық қауіпсіз екенін мәлімдеді.

Instagram-дағы бұл жарияланымды көру

Джанни Инфантино - ФИФА президентінің (@gianni_infantino) жарияланымы

Инфантино спорттың оң рөліне мысал ретінде Иран құрамасын келтірді: команда алаңға шыққан бойда, трибунадағы жанкүйерлердің наразылығы жаппай қолдау хорына ұласты.