Месси 2030 жылғы әлем чемпионатына оралуы мүмкін бе? Аргентина құрамасының бапкері пікір білдірді

Фото: actionsports/depositphotos.com

Аргентина құрамасының бас бапкері Лионель Скалони аты аңызға айналған шабуылшы Лионель Месси командаға бапкердің көмекшісі ретінде оралуы мүмкін екенін мәлімдеді, деп хабарлайды Tengri Sport.

Баспасөз мәслихатында Скалониге "Лионель Месси 2030 жылғы әлем чемпионатында Аргентина құрамасына бапкердің көмекшісі ретінде оралуы мүмкін бе?" деген сұрақ қойылды.

"Лео бапкердің көмекшісі бола ма? Жоқ, ол 2030 жылдан кейін де ойнай береді. Солай болады деп үміттенемін. Дегенмен қазір Вальтер Самуэль (бапкердің бұрынғы көмекшісі) мұнда жоқ болғандықтан, оның орнын басуы мүмкін", – деді Скалони.

Месси Аргентина құрамасындағы мансабын аяқтады

Еске салайық, 7 қазанға қараған түні Буэнос-Айрестегі (Аргентина) "Монументаль" стадионында Лионель Месси Бенин ұлттық құрамасына қарсы Аргентина сапындағы қоштасу матчін өткізді.

Матч "Соңғы танго" деп аталды және аты аңызға айналған футболшының мансабы аяқталғанын білдірді.

Instagram-дағы бұл жарияланымды көру

Selección Argentina (@afaseleccion) жазбасынан

Алаңда болған уақыт ішінде Аргентина құрамасының капитаны 2 нәтижелі пас беріп, пенальтиден гол соқты, осылайша, өз командасына 3:0 есебімен жеңіс сыйлады. Месси матч соңына дейін қауіпті ойын өрнегін көрсетті, алайда Бенин қақпашысы бірнеше рет сейв жасап, есеп бұдан әрі артуына жол бермеді.

Instagram-дағы бұл жарияланымды көру

Selección Argentina (@afaseleccion) жазбасынан

Осылайша, Лионель Мессидің Аргентина құрамасындағы 21 жылдық тарихы аяқталды. Ол әлем чемпионы атағымен, екі Америка кубогымен және ұлттық құрама сапындағы голдар, матчтер саны бойынша рекорд орнатты.

Әсерлі матчтен кейін Месси әлеуметтік желіде тебіреніске толы жазба жариялады.

Оның айтуынша, қажет кезде жанынан табылып, қолдау көрсеткен отбасынсыз бұл белестерді бағындыру мүмкін болмас еді.

Сондай-ақ, Месси өзі ойнаған клубтарға алғыс айтып, олар әрдайым өзінің таңдауын құрметтегенін және ұлттық құрамаға көңіл бөлуіне мүмкіндік бергенін айтты.

Instagram-дағы бұл жарияланымды көру

Leo Messi (@leomessi) жарияланымы

Лионель Месси "Барселона" сапында тағы ойнайды: мән-жайы

Пікірлер