Месси ӘЧ-2026-дан кейін құрамадағы мансабын аяқтай ма? Жауабы белгілі

Нұрила Достарқызы Корреспондент

Фото: A.Paes/depositphotos.com

"Интер Майами" мен Аргентина құрамасының жұлдызы Лионель Месси ұлттық құрамада кем дегенде Америка Кубогі аяқталғанға дейін ойнай береді, деп хабарлайды Tengri Sport инсайдер Фран Казареттоға сілтеме жасап.

Журналисттің айтуынша, 39 жастағы аргентиналық 2028 жылға дейін ұлттық құрамадан зейнетке шықпау туралы шешім қабылдаған.

"Лионель Мессиге жақын дереккөздердің айтуынша, ол әзірге зейнетке шығуды жоспарлап отырған жоқ. Лионель Месси 2028 жылғы Америка Кубогіне қатысқаннан кейін халықаралық мансабын аяқтайды деп күтіледі", - деп жазды инсайдер әлеуметтік желіде.

NOTICIA URGENTE DE ÚLTIMA HORA:

Según informes de fuentes cercanas a Lionel Messi, aún no planea retirarse del fútbol internacional.
Se espera que Lionel Messi se retire del fútbol internacional después de jugar en la Copa América 2028. pic.twitter.com/kGBcbBVwYJ
— Fran Casaretto (@Fran_Casaretto_) August 2, 2026

Естеріңізге сала кетейік, 2026 жылғы әлем чемпионатының финалынан кейін бірден Аргентина құрамасының бас бапкері Лионель Скалони Месси зейнетке шығуға шешім қабылдағанға дейін командада ойнай беретінін мәлімдеді.

Журналист Эрнан Кастильо әлеуметтік желілерде Мессидің 2026 жылғы әлем чемпионатының финалында Испанияға қарсы ойыннан кейін ұлттық құрамадан кетуге шешім қабылдағанын хабарлады.

Посмотреть эту публикацию в Instagram

Публикация от Leo Messi (@leomessi)

Лионель Месси - тарихтағы ең көп марапатталған футболшы

Еске сала кетейік, Мессидің Аргентина құрамасы әлем чемпионатының финалына екінші жыл қатарынан шықты, бірақ Испания жеңіске жетті.

Осыған қарамастан, Месси тарихтағы ең көп марапатталған футболшы болып қала береді. Ол 47 кубокты жеңіп алды, оның ішінде Чемпиондар лигасының төрт титулы, екі Копа Америка титулы және бір әлем кубогі бар.

Аргентиналық қазіргі уақытта АҚШ-тағы "Интер Майами" командасында ойнайды және команда үшін бірнеше кубокты жеңіп алды.