Месси Әлем чемпионаты матчінде хет-трик жасады

17 маусым күні таңертең Аргентина құрамасы 2026 жылғы Әлем чемпионатының алғашқы туры аясындағы матчте Алжир командасын жеңді, деп хабарлайды Tengri Sport.

Аргентина құрамасының барлық голының авторы "Интер Майамидің" жұлдызды шабуылшысы Лионель Месси болды.

38 жастағы шабуылшы 17-минутта Родриго де Паульдың пасынан кейін гол соқты.

Сондай-ақ ол 60-шы және 76-шы минуттарда мергендік танытты (нәтижелі пас Николас Гонсалестің еншісінде).

Месси покер жасауы мүмкін еді, алайда оның 5-минутта соққан добы ойыннан тыс қалу (офсайд) жағдайына байланысты есептелмеді.

Аргентина құрамасы келесі кездесуін 22 маусымда Австрияға қарсы өткізеді. Ал Алжир ұлттық құрамасы 23 маусымда Иорданиямен ойнайды.

Бұған дейін Франция құрамасы Сенегалды жеңіп, 2026 жылғы әлем чемпионатының I тобындағы алғашқы матчін өткізген болатын.