Месси баспен гол соғып, рекорд титул жеңіп алды

Дәстүрлі трофей MLS (АҚШ лигасы) мен Мексиканың MX лигасының қазіргі жеңімпаздары арасында сарапқа салынады. Биылғы маусымда матч "Интер Майами" алаңында өтті.

Кездесудің 21-минутында-ақ Луис Суарестің пасынан кейін бойы 170 сантиметр болатын Лионель Месси қарсылас қақпасына басымен гол соқты. Бұл оның мансабындағы басымен соққан 32-ші голы. Сонымен қатар, бұл доп аргентиналықтың "Интер Майами" сапындағы жүзінші голы ретінде тіркелді.

81-минутта Месси ассистент рөлінде көрінді – оның пасынан кейін Каземиро гол соқты. Ойын 2:0 есебімен аяқталып, клубқа жаңа маусымдағы алғашқы трофейін сыйлады.

Месси – титулдар саны бойынша рекордшы

Айта кетейік, Лионель Месси кезекті олжасының арқасында мансабындағы титулдар саны бойынша жеке рекордын жаңартты. Кампеонес кубогы аргентиналық үшін 49-шы титул болды.

Қазіргі ойнап жүрген футболшылардың ішінде Мессиге титулдар саны бойынша "Пари Сен-Жермен" сапында өнер көрсететін бразилиялық Маркиньос ең жақын тұр. Оның еншісінде 41 титул бар.

Мессидің барлық титулдары

"Барселонада" Месси Испанияның 10 дүркін чемпионы (2005, 2006, 2009, 2010, 2011, 2013, 2015, 2016, 2018, 2019), Испания кубогының 7 дүркін иегері (2009, 2012, 2015, 2016, 2017, 2018, 2021), Испания суперкубогының 8 дүркін иегері (2005, 2006, 2009, 2010, 2011, 2013, 2016, 2018), Чемпиондар лигасының 4 дүркін жеңімпазы (2006, 2009, 2011, 2015), УЕФА суперкубогының 3 дүркін иегері (2009, 2011, 2015) және клубтық әлем чемпионатының 3 дүркін жеңімпазы (2009, 2011, 2015) атанды - барлығы 35 трофей.

ПСЖ-мен бірге Месси Францияның 2 дүркін чемпионы (2022, 2023) және 2022 жылғы Франция суперкубогін жеңіп алды - 3 титул.

"Интер Майамимен" бірге - 2023 жылғы Лигалар кубогын, 2024 жылғы Supporters' Shield, 2025 жылғы MLS кубогын және 2025 жылғы MLS Шығыс конференциясын жеңіп, енді оған Кампеонес кубогін қосты - 5 трофей.

Аргентина құрамасы сапында - 2022 жылғы әлем чемпионаты, 2021 жылғы Америка кубогі, 2024 жылғы Америка кубогі, 2022 жылғы Финалиссима, 2008 жылғы Олимпиада және 2005 жылғы U20 әлем чемпионатының жеңімпазы атанды - 6 титул.

Бұған дейін Лионель Месси ұлттық құрамадағы мансабын аяқтайтынын мәлімдеген болатын, алайда "қоштасу матчін" өткізу үшін құрамаға қайта шақырту алды.