Месси плей-офф кезеңіне шыға ала ма: Аргентинаның ӘЧ-дегі матчін қайдан көруге болады?

Фото: A.Paes/depositphotos.com

Бүгін, 22 маусымда, Аргентина құрамасы футболдан әлем чемпионатындағы екінші матчін өткізеді. Лионель Месси бастаған команданың қарсыласы Австрия құрамасы болмақ, деп хабарлайды Tengri Sport.

Бүгін, 22 маусымда, Аргентина құрамасы футболдан әлем чемпионатындағы екінші матчін өткізеді. Лионель Месси бастаған команданың қарсыласы Австрия құрамасы болмақ, деп хабарлайды Tengri Sport.

Аргентина - Австрия матчінде әлем чемпионатының 1/16 финалына шығатын тағы бір қатысушы анықталуы мүмкін. Қос команда да турнирді сенімді жеңіспен бастады, енді олар осы жетістігін өзара кездесуде бекіте алады.

Аргентина - Австрия: кездесуден не күтуге болады?

Еске сала кетейік, бірінші турда екі команда да үш голдан соқты, оның ішінде Аргентина сапында Алжир қақпасына құрама капитаны әрі көшбасшысы Лионель Месси хет-трик жасады.

Бұл ретте австриялықтар Иорданияға қарсы ойында өз қақпасына гол жіберіп алып, тек 76-минутта ғана жеңіс добын соқты.

Аргентина мен Австрия ресми матчтерде ешқашан кездеспеген, бірақ екі жолдастық кездесу өткізген. 1980 жылы (5:1 есебімен Аргентина пайдасына) және 1990 жылы (1:1).

Шамасы, бұл матчте командалардың бірінен айқын басымдықпен (құрғақ есеппен) жеңіс күтудің қажеті жоқ сияқты.

Месси австриялық жұлдыздарға қарсы

ӘЧ-2026-дағы алғашқы матчтен кейін Лионель Месси турнирдің үздік сұрмергендері тізімін бастап тұр. Қазір оған германиялық Ундав пен канадалық Дэвид жетіп алды.

Сонымен қатар егер Месси кем дегенде бір гол соқса, ол әлем чемпионаттары тарихындағы жалғыз үздік сұрмерген атанады - қазір аргентиналық бірінші орынды Германия құрамасының аңызы Мирослав Клоземен бөлісіп тұр.

Instagram-дағы бұл жарияланымды көру

Selección Argentina (@afaseleccion) жазбасынан

Австрия құрамасында Романо Шмидт пен тәжірибелі Марко Арнаутович гол соқты. Бұдан бөлек, жанкүйерлер "Бавария" жұлдызы Конрад Лаймерден де гол күтеді.