Нурмагомедов ұзақ үзілістен кейін ММА-ға оралады

PFL баспасөз қызметі 14 қарашада Дубайда (БАӘ) өтетін турнирдің афишасын жариялады.

Сегізбұрышқа белгілі ресейлік аралас жекпе-жек шебері, UFC-дің бұрынғы файтері және аңызға айналған Хабиб Нурмагомедовтің ағасы Абубакар Нурмагомедов шығады.

Оның қарсыласы австралиялық файтер Дэвид Мартинес болмақ.

Айта кетейік, 2026 жылғы 20 қыркүйекте Стамбулдағы (Түркия) "ORA Arena" стадионында Абубакар Нурмагомедов AIGA промоушені аясында Давид Завадамен еркін күрестен белдесу өткізеді деп жоспарланған.

Хабибтің ағасы үш жылдан аса төбелескен жоқ

36 жастағы ресейлік төрт жекпе-жектен кейін 2024 жылғы ақпанда UFC-ден кетті. Ол кейінгі рет октагонға 2023 жылғы 3 маусымда Лас-Вегаста (Невада штаты, АҚШ) өткен UFC Fight Night турнирінде бразилиялық Элизеу Залески дус Сантосқа қарсы шықты.

Жекпе-жек толық үш раундқа созылып, жеңімпаз төрешілер шешімімен анықталды. Нурмагомедов күреске басымдық беріп, қарсыласын клинч пен партерде бақылауда ұстауға тырысқанымен, Залески сәтті қорғанып қана қоймай, тік тұрып төбелесуде нәтижелі болып, дәл соққыларды көбірек жұмсады.

Төрешілердің пікірі екіге жарылып, жеңіс бразилиялыққа берілді. Финалдық гонгтан кейін оқыс оқиға болды: Залески байқаусызда соққы жіберіп, Нурмагомедов оған шапалақпен жауап қайтарды, бірақ жанжал ушыға қойған жоқ.

Ислам Махачев Рахмоновтың салмағындағы келесі чемпионды атады: бұл Шавкат емес

UFC чемпионы даулы жекпе-жектен кейін жарақатына байланысты титулдан бас тартты