+7 (777) 001 44
99
2026 жылғы футболдан Әлем чемпионатының 19 шілдеге Ист-Ратерфордтағы (Нью-Джерси штаты, АҚШ) "Метлайф" стадионында жоспарланған финалдық матчі ауыстырылуы немесе кейінге шегерілуі мүмкін.
Бұған Солтүстік Американың бірнеше аймағындағы орман өрттері мен түтінге байланысты туындаған күрделі қауіп себеп болды.
Дереккөз мәліметінше, турнир ұйымдастырушылары кейінгі күндері орман өрттеріне қатысты жағдайды, әсіресе АҚШ-тың батыс және солтүстік-шығыс штаттары мен Канададағы ахуалды жіті бақылап отыр.
Ірі өрт ошақтарынан шыққан түтін қазірдің өзінде айтарлықтай қашықтыққа тарап жатыр, бұл ойыншылардың, ресми тұлғалар мен турнирдің басты матчін тамашалауды жоспарлаған ондаған мың жанкүйердің денсаулығына қауіп төндіреді.
⚽️🌎 #Mundial2026 | ¿Peligra la final del Mundial 2026? El humo que preocupa a tres días del España vs. Argentina.https://t.co/7yO1SHPMju
— Olé USA 🇺🇸 MEX 🇲🇽 (@DiarioOleUSA) 16 шілде, 2026 жыл
Месси Ямальға қарсы: Испания ӘЧ финалында Аргентинамен ойнайды
Еске сала кетейік, Испания алдымен 15 шілдеге қараған түні Францияны 2:0 есебімен тізе бүктірді. Шабуылшы Микель Оярсабаль бірінші таймда пенальтиді сәтті орындаса, екінші кезеңде қорғаушы Педро Порро командасының басымдығын арттырды.
Мбаппе кубоксыз қалды: Испания әлем чемпионатының финалына шықты
Instagram-дағы бұл жарияланымды көру
Ал 16 шілдеге қараған түні Аргентина құрамасы финалға жолдама алу үшін ағылшындарға қарсы матчтің 85-минутынан кейін керемет камбэк жасады. Аргентиналықтардың капитаны Лионель Месси жартылай финалда Энцо Фернандес пен Лаутаро Мартинеске екі нәтижелі пас беріп, қатарынан екінші рет әлем чемпионы атағы үшін бақ сынайтын болды.
Тартысты матч: Аргентина Англияны жеңіп, Әлем чемпионатының финалына шықты
Instagram-дағы бұл жарияланымды көру
Месси мен Аргентина құрамасы ӘЧ финалына ұшып бара алмады
ӘЧ финалына шыққаннан кейін Мессидің “Алтын доп“ рейтингіндегі орны аталды
