“Өзін француз санайды“: Мбаппені қорлаған сенатор бас бостандығынан айрылып, қомақты айыппұл төлеуі мүмкін

Парагвайлық сенаторға қатысты әлеуметтік желідегі Килиан Мбаппеге қарсы нәсілшілдік сипаттағы жазбалары үшін тергеу жүріп жатқаны белгілі болды.

Айып тағылған жағдайда сенатор Селеста Амарилья көпшілік алдында тіл тигізгені немесе өшпенділікті қоздырғаны үшін бір жылға дейін бас бостандығынан айырылып, 45 мың еуро (шамамен 24,2 миллион теңге) айыппұл төлеуі мүмкін.

Килиан Мбаппеге қатысты дау: не болды?

Еске салсақ, әлеуметтік желідегі даулы жазбаны Парагвай сенаторы Селеста Амарилья жариялаған болатын. Жұртшылық оның Мбаппе туралы "өзін француз санайтын отарланған камерундық" және "зұлым нувориш" деген сөздеріне наразылық білдірді.

Бұған жауап ретінде Мбаппе оны Парагвай туралы жағымсыз әсер қалдыратын "жексұрын әйел" деп атады.

Мбаппені қолдау

Жұлдызды футболшыны оның клубы – мадридтік "Реал" қорғады. Клуб ресми мәлімдеме жасап, футболдың теңдік пен ынтымақтастық алаңы екенін, сондай-ақ клубтың ксенофобия мен нәсілшілдікке әрдайым қарсы тұратынын атап өтті.

Белгілі британдық журналист Пирс Морган да Мбаппені қолдады. Ол өзінің әлеуметтік желідегі парақшасында сенатордың мәлімдемесін "жиіркенішті әрі айнытарлық" деп атады.

Морган футболшыға бағытталған нәсілшілдікті айыптап, әлемдік спортта мұндай көріністермен күресудің маңызын айтты.

Еске сала кетейік, Әлем чемпионатының 1/4 финалында Франция құрамасы Марокконы 2:0 есебімен жеңіп, турнирдің жартылай финалына жолдама алған болатын. "Үш түстілердің" келесі матчі 14 шілдеде өтеді, ал олардың қарсыласы Испания — Бельгия жұбының жеңімпазы болмақ.

“Өзін француз санайды“: Мбаппеге қатысты дау күтпеген жайтқа ұласты

Францияның Әлем чемпионаты 1/4 финалындағы жеңісі: 17 жастағы қыз қаза тапты