Пәкістандық жекпе-жек шебері Мұхаммед Рашид Насим шынтақпен ең көп темір құты жару бойынша Гиннесстің рекордтар кітабына енді, деп хабарлайды Tengri Sport.
Танымал пәкістандық рекордшы Мұхаммед Рашид Насим қоржынына кезекті Гиннесс рекордын қосты.
Бұл жолы пәкістандық жекпе-жек шебері 50 жабық алюминий құтыны шынтақпен бәрінен жылдам жарып көзге түсті.
Ол бұл нәтижеге небәрі 22,32 секундта қол жеткізді.
Айта кетейік, Мұхаммед Рашид Насим Гиннесстің тағы бірнеше рекордының иегері. Бұған дейін, 2025 жылы бокс қолғабымен бір минут ішінде қолды толық жазып, ең көп соққы жасау рекордын орнатқан - бокс қолғабына 386 соққы тигізген.
Бұдан бұрын, 2024 жылы 30 секунд ішінде басымен 39 сусын құтысын жарып ерекшеленген болатын.
Сондай-ақ оған шынтақ соққысымен грек жаңғақтарын ең көп шағу рекорды тиесілі - 30 секунд ішінде 39 жаңғақты ұсатқан.
@guinnessworldrecords 30 секунд ішінде шынтақпен ең көп грек жаңғағын шағу - Мұхаммед Рашидтен 169 🇵🇰 #guinnessworldrecords #pakistan ♬ түпнұсқа дыбыс - Guinness World Records
Бұдан бөлек Мұхаммед Рашид Насим 2001 жылдан бері Пәкістан жекпе-жек өнері академиясының негізін қалаушы әрі президенті. Ол көптеген шәкірт тәрбиеледі, ал оның академиясы қоржынында 150-ден астам ұжымдық Гиннесс рекорды бар. Оның 10 шәкірті жекелеген титулдарға ие болды.
+7 (777) 001 44 99
