+7 (777) 001 44
99
Польшалық экстремал Дамиан Каспшик экстремалды суыққа төзімділігімен әлемді таңғалдырып келеді. Ол кезекті рекордын Мельнода өткен Халықаралық мұзды суда жүзушілер кездесуі кезінде орнатты. Каспшик мұздай суға толықтай батып, 1 сағат 29 секунд бойы отырған.
Instagram-дағы бұл жарияланымды көру
Айта кетейік, Дамиан Каспшик Гиннестің рекордтар кітабының бірнеше дүркін рекордшысы.
Бұған дейін ол мұзбен толық жанасуда ең ұзақ уақыт болу рекордын (5 сағат 1 минут 33 секунд) орнатып, тағы бір польшалық Лукаш Шпунардың жетістігін жаңартқан болатын.
Сондай-ақ Каспшик қармен тікелей жанасуда 2 сағат 12 минут 12 секунд өткізді. Бұл нәтиже оның экстремалды суық санатындағы ресми түрде танылған үшінші Гиннес жетістігі болды.
Instagram-дағы бұл жарияланымды көру
Дамиан Каспшик - екі баланың әкесі, температураны бақылау жүйелеріне маманданған компанияда жұмыс істейді. Ол кәсіби қызметінің суыққа төзуге көмектесетінін айтып әзілдейді.
Спортшының дайындығымен бұған дейін осы титулдардың кейбіріне ие болған танымал польшалық рекордшы Валерьян Романовский айналысқан.
"Суық мені ешқашан қорқытқан емес, бірақ мұндай сынақтарға мен әрдайым үлкен құрметпен қараймын. Қауіпсіздік - бірінші орында. Мен мұны рекорд үшін емес, адам мүмкіндігінің шегі қай жерде екенін білуге деген қызығушылық пен ниеттен істеймін", - деді Каспшик.
Фото: guinnessworldrecords.com
Ұлыбританияның 117 жастағы тұрғыны Гиннестің ерекше рекордын жаңартты
