Роналду Әлем чемпионатында рекорд орнатты: жанкүйерлер есінен тана жаздады

Португалия құрамасының 41 жастағы шабуылшысы Криштиану Роналду Хорватия қақпасына гол соққаннан кейін әлем чемпионатының плей-офф кезеңінде гол салған тарихтағы ең егде футболшы атанды. Аңызға айналған португалиялық Канададағы жанкүйерлерін тәнті етті, деп хабарлайды Tengri Sport.

Криштиану ойын басталған сәтте-ақ әлем чемпионаттарының рекордшысы атанды - ол ағылшын қақпашысы Шилтонның рекордын жаңартып, әлем біріншіліктерінің плей-офф кезеңіне қатысқан ең егде ойыншы болды.

Екінші таймның 68-минутында Роналду пенальтиден гол соғып, тағы бір рекорд орнатты - енді ол мундиальдардың плей-офф кезеңінде гол соққан ең егде жастағы автор.

Бір қызығы, аңыз шабуылшы әлем чемпионатының плей-офф кезеңінде алғаш рет көзге түсті - бұған дейінгі бес біріншілікте Роналду тек топтық кезеңде ғана гол салған болатын.

Жанкүйерлер қонақүй алдында Роналдуға қошемет көрсетті, ал ол жанкүйеріне жейдесін сыйлады

Торонтода 1/16 финал матчі өткенге дейін-ақ нағыз "Роналдумания" басталған еді. Криштиану кезекті рекордты жаңартқаннан кейін жанкүйерлердің ықыласы тіпті арта түсті.

Матч аяқталған соң Роналду бірден игі іс жасап, трибунадағы жанкүйерлердің біріне өзінің ойын жейдесін тарту етті. Кейіннен бұл жейде үшін нағыз талас болғаны анық.

Португалия құрамасын қонақүйге дейін бірнеше полиция жасағы, соның ішінде атты полиция бастап барды - әйтпесе автобус қалың топтың арасынан өте алмас еді.

Қонақүй алдында Криштиануды мыңнан астам адам күтіп алды, ал футбол жұлдызы жанкүйерлерінің үмітін ақтады. Ол балконға шығып, бірнеше әсерлі ишара жасап, жиналған қауымды тіпті желпіндіріп тастады.

Ал мынау - матчтен кейін стадион трибуналарының астында болған көрініс.

Португалия және Роналду ӘЧ-2026 турнирінде

Еске сала кетейік, Португалия құрамасы әлем чемпионатын Конго ДР командасымен тең ойыннан (1:1) бастады. Нәтижесінде Өзбекстанды жеңіп (5:0) және Колумбиямен қайтадан тең түсіп (0:0), топта екінші орынға ие болды.

Роналдуның Хорватия қақпасына соққан голы оның осы турнирдегі үшінші добы болды - бұған дейін ол Өзбекстанмен матчте дубль жасаған еді.

Криштиану - тарихта алты әлем чемпионатында гол соққан жалғыз футболшы және осындай көп мундиальға қатысқан үш ойыншының бірі.

Дегенмен, Роналдуға әзірге басты трофейді жеңіп алудың сәті түспей тұр. Шамасы, ӘЧ-2026 - оның жеңіс тұғырына көтерілуге соңғы мүмкіндігі.

1/8 финалда Португалия құрамасын қазіргі Еуропа чемпиондары - испаниялықтарға қарсы қиын сын күтіп тұр.

Роналдуның голы Португалияға 2026 жылғы ӘЧ плей-офф кезеңінде Хорватияны жеңуге көмектесті