+7 (777) 001 44
99
Бірнеше БАҚ жариялаған видеода Криштиану Роналдудың Инфантиномен жымиып сөйлесіп тұрғанын көруге болады. Алайда әңгіме біткен бойда Криштианудың жүзі өзгеріп кетеді.
"Бүкіл футболсүйер қауымның күйін көрсетті";
"Меніңше, бұл жиіркеніш емес, көбіне "бұл не деген сандырақ" дегенге ұқсайды, ха-ха. Инфантино өз беделін ақтап алу үшін пиар-соғыс жүргізіп жатыр";
"Оның жүзі соншалықты қатулы, ол риза емес сияқты. Араларында бірдеңе болды ма?" - деп жазды желі қолданушылары видео астына.
Айта кетейік, Роналду мен Инфантиноның кездесуі Париждегі Esports World Cup турнирінде өтті.
La cara de asco de Cristiano Ronaldo después de saludar a Gianni Infantino HOY. 😂😂😂😂 pic.twitter.com/MrDhV4V0LM
— MT2 (@madrid_total2) 23 тамыз, 2026 жыл
Инфантино мен ФИФА айналасындағы даулар
Еске сала кетейік, Әлем чемпионатынан кейін Джанни Инфантиноның төңірегінде үлкен дау өршіді. ФИФА басшысы турнирдің қаржылық құрылымын өзгерткісі келді – жеке инвесторлар әлем чемпионаттарын ұйымдастырумен айналысатын жаңа ұйымның 20 пайызға дейінгі акциясын иеленуі мүмкін еді.
Бұл туралы ақпарат БАҚ-қа тарап кеткеннен кейін, Еуропа, Солтүстік Америка және Азия футбол федерациялары турнирге бойкот жариялады. ФИФА өз жоспарынан бас тартты, бірақ ұйымға сенім жоғалды.
Instagram-дағы бұл жарияланымды көру
ФИФА басшыларының бірі – бас операциялық директор Кевин Ламур Инфантиноның шешімін сынға алып, қызметінен айырылды.
23 тамызда Норвегия, Швеция, Дания, Финляндия, Исландия және Фарер аралдарының футбол қауымдастықтары Халықаралық футбол федерациясының (ФИФА) президенті Джанни Инфантиноға сенімсіздік білдірді.
Олар әлемдік футболдағы ашықтық пен қаржылық басқаруға тәуелсіз тексеру жүргізуді талап етті.
Роналду Әлем чемпионатында
41 жастағы Криштиану Роналду Португалия құрамасы сапында 2026 жылғы Әлем чемпионатына қатысып, командамен 1/8 финалға дейін жетті. Шабуылшы үш гол соқты, бірақ команда Испаниядан 0:1 есебімен ұтылып, ширек финалға шыға алмады.
Португалиялық футболшының өзі турнир кезінде сынның астында қалды. Баспасөз мәслихаттарының бірінде Роналду 2026 жылғы ӘЧ ол үшін соңғы турнир болатынын мәлімдеді.
