“Соңғы жекпе-жек“: Конор Макгрегор кәсіби мансабын қашан аяқтайтынын жариялады

Конор Макгрегор әлеуметтік желідегі парақшасында UFC-ге оралу мерзімін атады. Лиганың бұрынғы қос дүркін чемпионы жекпе-жегін 2027 жылдың жазында, дәстүрлі түрде шілдеде ұйымдастырылатын кезекті Халықаралық жекпе-жек апталығында (International Fight Week - IFW) өткізеді. Макгрегор бұл оның соңғы айқасы болатынын меңзеді.

"Бір дәуірдің ең айбынды жекпе-жегі болуы тиіс кездесу енді өтпейді. IFW 2027. Соңғы жекпе-жек", - деп жазды Макгрегор.

Бұған дейін UFC басшысы Дана Уайт та ирландиялық жұлдызды спортшының жекпе-жекке бір жылдан кейін оралатынын растаған болатын.

Ол бұл туралы Zuffa Boxing баспасөз мәслихатында мәлімдеді.

Конор Макгрегордың сәтсіз оралуы

Еске сала кетейік, UFC 329 турнирі аңызға айналған Конор Макгрегордың оралуын паш етуі тиіс еді, алайда жанкүйерлердің күткені мен қалауына қарамастан, жекпе-жек мерзімінен бұрын және ирландиялықтың пайдасына аяқталмады.

Кештің басты жекпе-жегінде UFC-дің аңызға айналған файтері жартылай жеңіл салмақтағы бұрынғы чемпион және BMF белбеуінің иегері Макс Холлоуэймен кездесті.

Конор секіріп тебуден бастап, октагонға құлады. Ол қайта тұрып, екі соққы жасап үлгерді де, тағы құлады.

Тік тұрғаннан кейін Макгрегор қатты ақсай бастады, содан соң рефери жекпе-жекті тоқтатты.

Нәтижесінде Макс Холлоуэй техникалық нокаутпен жеңіске жетті.

“Ақша табайық“: атышулы блогер Конор Макгрегорды жекпе-жекке шақырды

Жалғас Жұмағұлов UFC-ге қайта оралатынын айтты