Суперкомпьютер ӘЧ-2026 жеңімпазын атады: ол барлық жартылай финалисті дұрыс тапқан

1/4 финалдық матчтердің нәтижесі бойынша суперкомпьютер француздардың турнир финалында жеңіске жету ықтималдығын 34 пайыз деп болжап отыр.

Фавориттер тізімінде одан кейін Испания, содан соң Англия құрамалары орналасқан.

Сарапшылардың болжамы бойынша, әлемнің қазіргі чемпион Аргентина құрамасы жартылай финал алдында басты аутсайдерге айналды.

Фото: theanalyst.com/

Айта кетейік, 1/4 финал басталмас бұрын жасанды интеллект дәл осы төрт команданың келесі кезеңге өтетінін болжаған болатын. Енді суперкомпьютер финалда Франция мен Англия құрамалары кездеседі деген пікірге бейім.

ӘЧ-2026 жартылай финалы

Еске сала кетейік, футболдан әлем чемпионатының жартылай финалында Франция мен Испания және Англия мен Аргентина жұптары ойнайды.

Француздар 1/4 финалда Марокко командасын жеңсе, испандар Бельгияны ұтты.

Англия құрамасы норвегиялықтарды тек қосымша уақытта ғана жеңе алды, ал аргентиналықтар қатарынан үшінші рет плюс 30 минут ойнап, Швейцарияны қапы қалдырды.

Айта кету керек, әлем чемпионаты тарихында тұңғыш рет шешуші ойындарға ФИФА рейтингі бойынша әлемнің ең үздік төрт командасы шықты.

1/2 финалдық матчтер шілденің 14-нен 15-не және 15-нен 16-на қараған түні өтеді.