Суперкомпьютер Франция шығып қалғаннан кейін ӘЧ жаңа жеңімпазын анықтады

Фото: actionsports/depositphotos.com

Opta сараптамалық порталы Франция құрамасы турнирден шығып қалғаннан кейін футболдан Әлем чемпионатының басты фаворитіне қатысты шешімін өзгертті, деп хабарлайды Tengri Sport.

Бұған дейін суперкомпьютер 1/4 финал матчтарінің нәтижесі бойынша француздардың турнир финалында жеңіске жету мүмкіндігін 34 пайыз деп болжаған болатын.

Алайда Франция Әлем чемпионатынан шығып қалған соң, Opta кубокті оларды жарыс жолынан шығарған команда – Испания иеленеді деп есептейді.

Суперкомпьютер олардың Әлем чемпионатында жеңіске жету ықтималдығын 55,59 пайыз деп болжап отыр.

Англияның турнирдегі жеңіс мүмкіндігі 23,32 пайызға, ал Аргентинаның жеңісі 21,09 пайызға бағаланды.

Скриншот: theanalyst.com

Испания Францияны ӘЧ-2026 турнирінен шығарды

Кездесуде есепті испаниялықтар ашты. Ламин Ямаль пенальти еншілеп, оны шабуылшы Микель Оярсабальға берді. Шабуылшы қақпаны дәл көздеп, алғашқы голды соқты.

Кейін, 58-минутта қорғаушы Педро Порро өз командасының басымдығын арттырды.

Кездесудің қорытынды есебі - 2:0.

Instagram-дағы бұл жарияланымды көру

Equipe de France de Football (@equipedefrance) жариялаған жазба

Осылайша, Испания құрамасы футболдан Әлем чемпионатының алғашқы финалисі болды. Басты халықаралық трофей үшін матч 20 шілдеде өтеді, ал қарсылас 16 шілдеге қараған түні анықталатын Англия - Аргентина жұбының жеңімпазы болмақ.