Суперкомпьютер плей-оффтың алғашқы матчінен кейін ӘЧ-2026 жеңімпазын атады

Opta статистикалық порталы плей-офф кестесі анықталғаннан кейін Франция құрамасын Әлем чемпионатының басты фавориті деп атады, - деп хабарлайды Tengri Sport theanalyst.com сайтына сілтеме жасап.

Порталдың болжамы бойынша, француздардың турнирде жеңіске жету ықтималдығы 18,83 пайыз болған, ал суперкомпьютер олардың плей-оффтың бірінші кезеңінен өтетініне күмәнданбайды – 82,98 пайыз.

Айта кетейік, мундиаль басталар алдында портал Испания құрамасының мүмкіндігін жоғары бағалаған болатын, ал топтық кезең кезінде Аргентина командасы бірінші орында тұрды.

Қазір аргентиналықтар француздардан кейін (16,52 пайыз), ал испандықтар үшінші орында (12,91 пайыз) келе жатыр.

Фото: theanalyst.com

Еске салайық, кейінгі екі әлем чемпионатында дәл осы Франция мен Аргентина жеңіске жеткен болатын, ал Испания – қазіргі Еуропа чемпионы.

Суперкомпьютер плей-офф кезеңінің басты аутсайдерін атады

Мундиальдың қалған қатысушыларының ішінде, суперкомпьютер пікірінше, Кабо-Верде, Босния және Герцеговина, сондай-ақ Конго командаларының турнирде жеңіске жету мүмкіндігі ең төмен – бір пайыздан аз.

Айта кетейік, көптеген сарапшы Кабо-Верденің топтан шығу ықтималдығын бір пайыз шамасында бағалаған болатын, бірақ олар турнирдің басты сенсацияларының бірін жасап, бірде-бір рет жеңілместен Уругвай құрамасын үйіне қайтарды.

Фото: theanalyst.com

2026 жылғы әлем чемпионаты 11 маусымнан бері өтіп жатыр және 20 шілдеге дейін жалғасады. Плей-оффтың алғашқы матчінде Канада құрамасы ОАР командасын жеңді.