+7 (777) 001 44
99
Оқиға есеп 7:5; 5:3 болып, Джоковичтің пайдасына шешіліп жатқан тұста болды. Кезекті ұпай сарапқа салынған сәтте Медведев ұпайдан ұтылып қалып, допты абайсызда ұрғанда, ол трибунаға ұшып кеткен.
Бір минуттан кейін доптың көрерменнің басына тигені және оған көмек қажет екені белгілі болды. Бұған төрешілер мен ATP супервайзері назар аударды. Соңында олар бұл жағдай дисквалификацияға лайық деп шешті - Джокович ойынды аяқтамастан финалға шықты.
"Медведевтің дисквалификациясы оның жартылай финалға шыққаны үшін иеленген 200 рейтингтік ұпайынан айырылуын білдіреді. Сонымен қатар Даниил 200 мың доллар көлеміндегі жүлде қорынан да қағылды", - деп нақтылады Championat.com.
Матчтен кейінгі баспасөз мәслихатында Медведев қателігін мойындап, жасаған ісі үшін кешірім сұрады.
"Шынымды айтсам, ол үшін өте өкініштімін және оның жағдайы жақсы деп үміттенемін. Ең бастысы - осы. Ал қалғанына келсек - өмір жалғаса береді. Қазір мен ол үшін қатты уайымдап тұрмын. Онымен кездесіп, кінәмді өтей аламын деп үміттенемін.
Бұл 100 пайыз жазатайым оқиға болды. Менің допты ашумен ұрмағаным көрініп тұр... Доп кері секіріп жатқан еді, сондықтан мен оны корттың сыртына шығып кетпеуі үшін бір жаққа бағыттап ұрмақ болдым", - деп түсіндірді Медведев.
Теннисші Даниил Медведев Бейжіңдегі жартылай финалда көрерменге доп тигізгені үшін дисквалификацияланды. Новак Джоковичке қарсы екінші сетте ойнап жатып, ол ашу үстінде допты трибунаға қарай жіберіп, жанкүйердің бетіне тигізді. Көрерменді жедел жәрдем алып кетті. https://t.co/JJPP7wmbiT
- распад и неуважение (@VictorKvert2008) 5 қазан, 2026
Енді Медведев Алматыдағы турнирге қатыспай ма?
Айта кетейік, Даниил Медведев тіркелген келесі турнирлер - 7-18 қазан аралығында Шанхайда (Қытай) өтетін Мастерс және 19-25 қазан аралығында Алматыда өтетін ATP 250 сериясындағы турнир.
Біз Қазақстанның теннис федерациясына сауал жолдадық, олар қазіргі уақытта Медведевтің Almaty Open турниріне қатысуына ештеңе кедергі емес екенін растады. Шамасы, Медведевтің дисквалификациясы тек Бейжің турнирінің қалған бөлігіне ғана қатысты болса керек, өйткені Шанхай мастерсінің ұйымдастырушылары да теннисшінің жарыстан шеттетілгені туралы хабарлаған жоқ.
Instagram-дағы бұл жарияланымды көру
Даниил Медведев деген кім және оның Қазақстанмен қандай байланысы бар?
Еске сала кетейік, 30 жастағы Медведев - US Open-2021 жеңімпазы және Australian Open турнирінің үш дүркін финалисі. 2022 жылдың ақпанында ол әлемдік рейтингте көш бастап, 16 апта бойы бірінші орында тұрды.
2026 жылдың тамызынан бастап Даниил Медведевтің жаттықтырушысы - қазақстандық бұрынғы кәсіби теннисші Андрей Голубев.
Instagram-дағы бұл жарияланымды көру
Қазақстандық маман әлемнің бұрынғы бірінші ракеткасының жаттықтырушысы болды
