Ұлыбританияның 117 жастағы тұрғыны Гиннестің ерекше рекордын жаңартты

Гиннестің рекордтар кітабының баспасөз қызметі Этель Катерхэмді туған күнімен құттықтады. Британдық кейуана 117 жасқа толып, әлемдегі ең қарт адам ретінде өз рекордын жаңартты.

Этель Катерхэм - 117 жастағы рекордшы

Бұған дейінгі ең қарт адам, 116 жас 326 күн өмір сүрген бразилиялық Ина Канабарро Лукас қайтыс болғаннан кейін, әлемдегі ең жасы үлкен адам атағы британдық Этель Катерхэмге өтті.

Сондай-ақ Этель Катерхэм 20-сыншы ғасырдың бірінші онжылдығында дүниеге келген көзі тірі соңғы адам екенін атап өткен жөн (ол 1909 жылы 21 тамызда туған).

Этель Катерхэмнің өмірбаяны

117 жастағы британдық әйел қызықты ғұмыр кешті. 1927 жылы 18 жасында ол жалғыз өзі кемеге мініп, үш аптаға созылған сапарға аттанды. Бұл саяхат оны Үндістандағы жаңа өмірге алып келді.

Бірнеше күн өткен соң ол британ армиясында қызмет ете бастап, Корольдік армия корпусының подполковнигі шеніне дейін көтерілген Норман Кейтерхэмге тұрмысқа шықты. Кейін олардың Джем және Энн есімді екі қызы дүниеге келді.

Өкінішке қарай, Этель 1976 жылы сүйікті жары Норманнан айырылды, сондай-ақ екі перзенті де өзінен бұрын дүниеден озды. Джем 2000-жылдардың басында қайтыс болса, Энн 2020 жылдың ақпанында 82 жасында қатерлі ісіктен көз жұмды.

66 жастағы жекпе-жек шебері Гиннестің 30-шы рекордын орнатты

Астаналық 80 жастағы марафоншы Салтанат Түйтебаев Кейптаундағы (ОАР) 42 шақырымдық бәйгені аяқтап, елге оралды. Tengri Sport тілшісіне берген сұхбатында ол жарыстан алған әсерлерін бөлісіп, отбасы туралы айтып берді