“Үнемі жылай береді“: UFC аңызы Криштиану Роналду туралы пікір білдірді

Фото: mrogowski_photography/depositphotos.com

UFC тарихындағы алғашқы америкалық емес чемпион, MMA аңызы Олег Тактаров португалиялық футболшы Криштиану Роналдудың мінез-құлқын сынға алды, деп хабарлайды Tengri Sport.

"Орыс аюы" лақап атымен танымал UFC-дің бұрынғы жұлдызы Роналдумен бір командада ойнағысы келмейтінін мәлімдеді.

"Роналду деген кім өзі? Егер терең үңілсек. Біз үнемі шағымданып, жылай беретін адам туралы айтып отырмыз. Ол мықты болған шығар, иә, бірақ мен онымен бір командада ойнағым келмес еді. Мысалы, Месси айып добын орындау алдында экранға қарап, өзінің қалай көрініп тұрғанын тексергенін көрген емеспін.

Ондайды байқамадым. Мессидің Бадр Харидің немесе басқа бір кикбоксшының құшағында жүргенін де көрмедім. Мен Роналдуға қарсы емеспін, ақша тапқаны жақсы болды. Бұдан артық ештеңе түсіндіре алмаймын", - деді ол championat.com-ға берген сұхбатында.

Айта кетейік, Тактаров кикбоксшы Бадр Харидің Криштиануды көтеріп алған желідегі танымал суретін меңзеген.

Спортшының әлеуметтік желідегі парақшасында жарияланған бұл суретке "Жаңа ғана үйлендік! Ха-ха-ха!" деген әзіл сипаттама жазылған болатын.

Фото: instagram.com/badrhariofficial/

Роналду ӘЧ-2026-дағы ойыны үшін сынға ұшырады

Еске сала кетейік, "әл-Насрдың" 41 жастағы шабуылшысы алтыншы Әлем чемпионатына қатысып, үш гол соғуымен ерекшеленді.

Португалия құрамасы 1/8 финалда болашақ чемпиондар Испания құрамасына жол берді.

Роналду турнир барысында сынға ұшырады және оны "балласт" деп атады.

Instagram-дағы бұл жарияланымды көру

Cristiano Ronaldo (@cristiano) жарияланымы

Олег Тактаров деген кім?

Олег Тактаров - аралас жекпе-жек аңызы. Соңғы ресми жекпе-жегін 2008 жылдың сәуірінде Марк Керрге қарсы өткізіп, бірінші раундта өкшеден қайыру әдісімен жеңіске жеткен.

Кәсіби мансабында Тактаров 24 жекпе-жек өткізіп, оның 17-сінде жеңіске жеткен, бесеуінде жеңіліп, екеуі тең аяқталған. UFC-де тоғыз кездесу өткізіп, оның алтауында басым түскен.