Алаяқтар қазақстандықты алдау үшін UFC аңызының бет-бейнесін пайдаланған

Бейнеден кадрлар; instagram.com/olegtaktarov_official

Қазақстанда алаяқтар UFC-дің аңызға айналған чемпионы Олег Тоқтаровтың бейнесін пайдаланып, жаңа алдау схемасын іске асырмақ болған, - деп хабарлайды Tengri Sport.

Қазақстанда алаяқтар UFC-дің аңызға айналған чемпионы Олег Тоқтаровтың бейнесін пайдаланып, жаңа алдау схемасын іске асырмақ болған, - деп хабарлайды Tengri Sport.

Алматы облыстық Полиция департаменті мәліметінше, алаяқтар жасанды интеллектінің көмегімен UFC-дің аңызға айналған чемпионы Олег Тоқтаровтың бейнесін жасаған.

Олар полиция қызметкеріне қоңырау шалып, өздерін Ұлттық банк қызметкері ретінде таныстырған және "декларацияланбаған шоттар" туралы хабарлаған.

Кейінірек сенімге кіру үшін бейнеқоңырауға "арнайы қызмет қызметкері" қосылған. Ол Тоқтаровтың бет-бейнесін қолданған.

Әйел алаяқтықты бірден байқап, сөйлесуді уақтылы тоқтатқан.

Instagram-дағы бұл жарияланымды көру

Публикация от 🇰🇿 АЛМАТЫ ОБЛЫСЫНЫҢ ПОЛИЦИЯСЫ (@police_almobl)

Олег Тоқтаров - ММА аңызы

Олег Тоқтаров - ресейлік файтер, актер, тележүргізуші және ММА-ның ерте дәуіріндегі ең көрнекті өкілдерінің бірі.

Олег бала кезінен самбо және дзюдомен айналысқан. Ол самбодан спорт шебері атанып, дзюдо мен джиу-джитсудан қара белбеу иегері болды. Әскерден кейін жекпе-жек өнері бойынша нұсқаушы болып жұмыс істеді.

90-жылдардың басында ол аралас ережелі турнирлерге қатыса бастады, соның ішінде 1993 жылы Ригада өткен "Ақ айдаһар" әуесқойлар арасындағы әлем чемпионатын жеңіп алған. Дәл осы жеңіс оған Америкаға жол ашты.

Instagram-дағы бұл жарияланымды көру

Oleg Taktarov-тың (@olegtaktarov_official) жарияланымы

Оған нағыз атақ-даңқ 1995 жылы келді. Тоқтаров UFC 5 турнирінде дебют жасап, финалға дейін жетті, бірақ Дэн Северннен жеңіліп қалды. Арада бірнеше ай өткен соң, UFC 6-да ол турнир чемпионы - тарихтағы тұңғыш ресейлік UFC чемпионы атанды.

Финалда ол мықты соққы иесі Дэвид Эбботтқа қарсы аңызға айналған 17 минуттық жекпе-жек өткізді. Шаршағанына және өте ауыр жағдайларға қарамастан, Олег оны жеңіп, титулды иеленді. Сондай-ақ ол Дэвид Бенете, Энтони Мачиас және Марко Руаспен жекпе-жекте айқын жеңістерге жеткен.

Тоқтаров октагонда түрлі стиль өкілдеріне (бразилиялық джиу-джитсу, еркін күрес, бокс) қарсы самбоның тиімділігін айқын көрсеткен алғашқы файтерлердің бірі болды. Оның қысым кезіндегі сабырлылығы, ауырту және қылқындыру әдістерінің техникасы (17 жеңістің 14-і сабмишенмен) кейінгі көптеген файтерлер буыны үшін үлгі болды.