+7 (777) 001 44
99
Әлем чемпионаты тарихында гол соққан ең жас ойыншылардың бірі, испаниялық Ламин Ямаль Сауд Арабиясы жанкүйерлерінің психологиялық қысым көрсету әрекеттеріне жауап берді, - деп хабарлайды Tengri Sport.
"Барселонаның" 18 жастағы вингері Сауд Арабиясына қарсы кездесудің 10-минутында-ақ әлем чемпионатындағы алғашқы голын соғып, Испанияның 4:0 есебімен ірі жеңіске жетуіне септігін тигізді.
Турнирдің алғашқы матчінде Ламин екінші таймда алаңға шыққанымен, бүкіл команда секілді нәтижелі іс-қимылдарымен көзге түсе алмаған еді.
"Ямаль қайда?" – деп айқайлады Сауд Арабиясы құрамасының жанкүйерлері вингердің өзі жариялаған видеода.
"Мен осындамын", – деп жазды Ламин Instagram-дағы жазбасына.
Айта кетейік, Ямаль әлем чемпионаттары тарихындағы гол салған ең жас сегізінші ойыншы атанды (18 жас 343 күн).
Instagram-дағы бұл жарияланымды көру
Бұл көрсеткіш бойынша оның алдын тек Пеле (Бразилия), Мануэль Росас (Мексика), Ламиннің құрамадағы серігі – Гави, Ибрагим Мбайе (Сенегал), Майкл Оуэн (Англия), Николае Ковач (Румыния) және Дмитрий Сычев (Ресей) орап кеткен.
Осылайша, бұл көрсеткіш бойынша Ямаль Килиан Мбаппені де, Лионель Мессиді де, Криштиану Роналдуды да басып озды.
Instagram-дағы бұл жарияланымды көру
Еске салайық, 2024 жылғы Еуропа чемпионатында Ламин Ямаль турнир тарихындағы ең жас гол авторы атанып, Гиннестің рекордтар кітабына енген болатын.
