+7 (777) 001 44
99
Кез келген оқиғаға тым эмоциялық реакция білдіруімен аты шыққан IShowSpeed жұртты тағы таңғалдырды. Әлем чемпионаты кезінде ол BTS тобымен танысып, музыканттардың алдында сальто жасап, оларды есеңгіретіп тастады.
Бұл сәт видеоға түсіп қалып, жарияланғаннан кейінгі алғашқы тәулікте 300 миллион қаралым жинады. Қазіргі көрсеткіш 327 миллионға жетті, ролик әлі де танымалдылық жинап жатыр.
Ашық дереккөздерге сүйенсек, IShowSpeed пен BTS түскен 30 секундтық ролик жаңа рекорд орнатты. Адамзат тарихында бұған дейін ешбір платформадағы видео алғашқы тәулікте 200 миллионнан астам қаралым жинап көрмеген.
Алғашқы тәуліктегі қаралым бойынша үздік 5 видео
- IShowSpeed пен BTS видеосы - Instagram-да 300 миллион қаралым;
- "Звонки" фильмі - Facebook-те 200 миллион қаралым;
- Тейлор Свифттің "The Life of a Showgirl®" альбомының анонсы - Instagram-да 167 миллион қаралым;
- Бразилиялық саясаткер Николас Ферейраның "PIX халықты біріктіреді" видеосы - Instagram-да 156 миллион;
- Мати мен Майя Кохавидің "Еваның хикаялары" деректі жобасы - Instagram-да 120 миллион қаралым.
Бір тәуліктегі қаралым бойынша әлемдегі ең танымал видео
Instagram-дағы бұл жарияланымды көру
IShowSpeed деген кім және оны неге Роналдудың басты жанкүйері дейді?
IShowSpeed (шын есімі - кіші-Даррен Джейсон Уоткинс) - әлемдегі ең танымал, жоғары ақы төленетін және ықпалды америкалық стримерлер мен видеоблогерлердің бірі. Бүгінде оның YouTube, TikTok және басқа да әлеуметтік желілердегі жалпы аудиториясы 100 миллион жазылушыдан асады.
21 жастағы жігіт тікелей эфирлердегі ерекше эмоциялық, хаостық және кейде агрессивті мінез-құлқымен танымал болды.
Оның мансабы мен медиа бейнесінің үлкен бөлігі Криштиану Роналдуға деген шексіз сүйіспеншілігіне негізделген. IShowSpeed португалиялық футболшы қатысатын матчтерге жиі барып, оның "SIUUU" атты фирмалық гол тойлау стилін қайталайды, кумирімен жеке де кездескен.
Instagram-дағы бұл жарияланымды көру
Ірі футбол жарыстары кезінде оның аудиториясы әлемдегі ең танымал футболшыға деген махаббаты мен өшпенділігі арқасында бірнеше есе артады.
Блогер әр түрлі континентте (Азия, Еуропа, Африка) жиі саяхаттап, қала көшелерінен тікелей эфирлер жүргізеді. Оның әрбір сапары мыңдаған жанкүйердің соңынан жүгіруіне және мегаполистердегі қозғалыстың тоқтап қалуына ұласады.
