Есеп 7:1 және қызыл қағаз: Еуропа лигасының жартылай финалы үшін кездесулер қалай өтті?

16 сәуірден 17-сіне қараған түні еуропалық маңызы бар екінші клубтық турнирдің барлық финалисі анықталды, деп хабарлайды Tengri Sport.

Португалиялықтар жартылай финалға шықты, бірақ күткен команда емес

Еуропа лигасы 1/4 финалының ең басты кездесуі португалиялық "Порту" мен ағылшындық "Ноттингем Форрест" арасындағы текетірес болды. Португалияда өткен алғашқы матчта командалар 1:1 есебімен тең ойнаған еді.

Ноттингемдегі ойын алаңнан қуумен басталды – Ян Беднарек қарсыласының аяғына тік аяқпен дөрекі соққы жасады, соның салдарынан қонақтар 8-минутта-ақ бір ойыншыға азайып қалды.

Небәрі 4 минуттан кейін Морган Гиббс-Уайт сан басымдығын пайдаланып, ағылшындарды алға шығарды. "Порту" есепті теңестіре алмады.

"Ноттингем Форрест" АПЛ-ден ұшу аймағынан небәрі үш ұпай қашықтықта келе жатқанын ескерсек, команда ерекше жетістікке жақын тұр – Еуропа лигасында жеңіске жеткен жағдайда, клуб бір мезгілде Чемпиондар лигасында және "Чемпионшипте" өнер көрсетуі мүмкін.

Айта кетерлігі, "Порту" Еуропа лигасының жартылай финалына шыға алмаса да, Португалияның тағы бір командасы – "Брага" бұл белесті сәтті бағындырды. Өз алаңындағы 1:1 есебінен кейін "Брага" испаниялық "Реал Бетисті" 2:4 есебімен ұтып, жартылай финалға жолдама алды.

Бұл ретте португалиялық команда матч барысында 2:0 есебімен ұтылып жатып, жағдайды өз пайдасына шеше алды.

Унаи Эмери бесінші кубогына жақындады

Тағы бір ағылшын клубы – Еуропа лигасының рекордшы бапкері Унаи Эмери жаттықтыратын "Астон Вилла" италиялық "Болоньяға" еш мүмкіндік қалдырмады. Өз алаңында өткен матчтың бірінші таймында-ақ ағылшындар үш гол соқса, қорытындысында матч 4:0 есебімен аяқталды. Екі кездесудің нәтижесі – 7:1.

Жартылай финалда "Астон Вилла" "Ноттингем Форрестпен" кездеседі. Бұл - Эмери үшін турнирдегі бесінші жеңісіне тағы бір қадам жасауға мүмкіндік. Бұған дейін ол ЕЛ трофейін үш рет "Севильямен" және бір рет "Вильярреалмен" жеңіп алған болатын.

Басқа ширек финалда германиялық "Фрайбург" испаниялық "Сельтадан" басым түсті (жалпы есеп 1:3 және 1:6).

Еуропа лигасының жартылай финалдары

Еуропа лигасының жартылай финалдарында 1 мамыр күні басталады. Бұл күні португалиялық "Брага" мен германиялық "Фрайбург", сондай-ақ сондай-ақ ағылшындық "Ноттингем" мен "Астон Вилла" өзара мықтыны анықтайды.