“Барыс“ Қазақстан құрамасының қақпашысымен келісімшартты бұзды

Фото © Tengrinews.kz / Тұрар Қазанғапов

"Барыс" хоккей клубы ұлттық құраманың екі ойыншысы - қақпашы Никита Бояркинмен және қорғаушы Тамирлан Гайтамировпен келісімшартты бұзғанын хабарлады, деп хабарлайды Tengri Sport клубтың баспасөз қызметіне сілтеме жасап.

Баспасөз қызметінің мәліметінше, келісімшарттар клубтың бастамасымен бұзылған.

"Бұл шешім спорттық қағидалар мен ағымдағы трансферлік жағдайға негізделе отырып қабылданды", - делінген мәлімдемеде.

Айта кетейік, Никита Бояркин - "Барыс" сапында бес маусым өткізген Қазақстан құрамасының қақпашысы. Оның есебінде клуб үшін 103 матч және 91,2 пайыз соққы қайтару көрсеткіші бар.

Сонымен қатар "Спорт-Экспресс" сайтының мәліметінше, оның клубтағы жалақысы жылына 48 миллион рубльді (286 миллион теңге) құраған - ол өткен маусымда командадағы ең көп жалақы алатын ойыншы болды.

Instagram-дағы бұл жарияланымды көру

"Барыс" хоккей клубының жарияланымы (@barys_official)

"Барыс" АҚШ-тан жаңа қақпашы сатып алды

Құрлықтық хоккей лигасының жаңа маусымы басталар алдында "Барыс" америкалық қақпашы Хантер Шепардпен келісімшартқа отырды. "Херши Беарс" сапында Шепард екі рет Колдер кубогын жеңіп алса, 2023 жылы АХЛ плей-офф кезеңінің үздік ойыншысы болып танылды.

Болжам бойынша, жаттықтырушылар штабы алдағы маусымда дәл осы ойыншыны команданың негізгі қақпашысы ретінде көріп отыр.

"Өте өкінішті";

"Үнемделген қаражат трансферлерге жұмсалады деп үміттенемін";

"Бояркин - мықты қақпашы, алып қалу керек еді, өте өкінішті. Оған сәттілік және "Барысқа" қайта оралуын тілеймін!" - деп жазады жанкүйерлер әлеуметтік желілерде.