“Басқаларға қарап көңілім түсетін“ - Рыбакина жарақаттан кейінгі жағдайы туралы

Қазақстанның үздік теннисшісі 1 сағат 8 минут ішінде қарсыласын ойсырата жеңіп, екі партияда оған бар-жоғы алты гейм алуға мүмкіндік берді. Рыбакинаның айтуынша, екінші сетте испаниялық спортшы біраз қиындық тудырған, сондықтан ол кездесуді сәтті аяқтағанына көңілі толады.

"Бүгін доты ойынға қосуыма көңілім толады - ол маған шынымен де көп көмектесті. Әрине, қарсыласым, әсіресе екінші сетте өте жақсы ойнады. Ол қысқа соққыларды қолдана отырып, агрессивтірек ойнай бастағандай көрінді, сондықтан матчті жеңіспен аяқтағаныма қуаныштымын", - деді қазақстандық теннисші ойыннан кейін кортта берген сұхбатында.

Сондай-ақ Рыбакина алдыңғы жарыстың 1/4 финалында алған жарақатынан кейінгі жағдайына қатысты пікір білдірді.

Осы маусымдағы соңғы "Үлкен дулыға" турниріне екі апта қалғанда Рыбакинаның Нью-Йоркте өнер көрсететіні белгісіз болған еді.

"Шынында да, дайындық мүлдем мінсіз болған жоқ. Мен залда тек қалпына келтіру жұмыстарымен айналысып жүргенде, басқалардың турнирге жаттығып, дайындалып жатқанын көріп біраз көңілім түсті. Сондықтан иә, мұнда болғаныма шексіз қуаныштымын", - деп атап өтті Елена.

Рыбакинаны келесі кезеңде қарымта матч күтіп тұр

US Open турнирінің үшінші айналымында қазақстандық теннисші украиналық Юлия Стародубцевамен кездеседі.

Бұған дейін спортшылар тек бір рет - соңғы "Ролан Гаррос" турнирінің екінші айналымында кездескен болатын, сол кезде украиналық теннисші үш сетте сенсациялық жеңіске жеткен еді.

Енді Рыбакинада қарымта қайтаруға мүмкіндік бар.

US Open Рыбакинаның мансабындағы ең ірі жеңісі болуы мүмкін

Еске сала кетейік, Қазақстанның екінші ракеткасы АҚШ-тағы "Үлкен дулыға" турнирінде бұған дейін ешқашан төртінші айналымнан әрі өтпеген.

Сонымен қатар, егер биыл Рыбакина жартылай финалға жете алса, ол әлемнің бірінші ракеткасы атанары анық.

Қазақстандық теннисші бұл шыңға өзі жеңіске жетпей-ақ шығуы мүмкін - Джессика Пегула, Коко Гауфф немесе Арина Соболенконың кез келген жеңілісі Еленаны әлемнің бірінші ракеткасы атағына жақындата түседі. Бұл үшеуінің кез келгені титулды жеңіп алған жағдайда әлемнің үздік теннисшісі атануы мүмкін.

Әзірге әлемнің бірінші ракеткасы атағынан үміткер төрт спортшы да күресті жалғастырып жатыр.

Еске сала кетейік, US Open 13 қыркүйекке дейін созылады. Жекелей сынның негізгі кестесінде қазіргі уақытта Қазақстаннан Елена Рыбакина мен Александр Бублик қалды. Юлия Путинцева мен Александр Шевченко жарысты аяқтады.

Елена Рыбакина US Open турнирінің үшінші айналымына шықты