+7 (777) 001 44
99
65 келіге дейінгі салмақ дәрежесінде сынға түсетін қазақстандық боксшы Аида Әбікеева Әлем кубогі кезеңінің жартылай финалына шықты, - деп хабарлайды Tengri Sport.
Қазақстандық екі дүркін әлем чемпионының қарсыласы америкалық боксшы Мари Росендо болды.
Үш раунд бойы Әбікеева қарсыласынан басым түсіп, барлық қашықтықта оны айқын ұтты.
Нәтижесінде жекпе-жек төрешілер шешіміне дейін жетіп, қазақстандық спортшы 4:1 есебімен жеңіске жетті.
Осылайша, ол жартылай финалға жолдама алып, турнирдің кем дегенде қола жүлдесін иеленді, себебі жарыс регламенті бойынша үшінші орын үшін талас өткізілмейді.
Бұған дейін тағы бір қазақстандық боксшы Әлем кубогінің жартылай финалына шыққан болатын. 60 келіге дейінгі салмақ дәрежесінде өнер көрсететін Виктория Графеева кореялық боксшы Иеонжи Охпен жұдырықтасты.
Үш раундтың қорытындысы бойынша Виктория Графеева төрешілердің бірауыздан шығарған шешімімен жеңіске жетті.
Instagram-дағы бұл жарияланымды көру
Аида Әбікеева - бокстан екі дүркін әлем чемпионы
Еске салайық, 2025 жыл қазақстандық боксшы үшін өте сәтті жыл болды. Наурызда Ниш қаласында (Сербия) өткен IBA нұсқасы бойынша әлем чемпионатында ол 63 келі салмақта алтын иеленді.
Instagram-дағы бұл жарияланымды көру
Кейінірек, қыркүйекте World Boxing ұйымының әлемдік біріншілігінде Аида Әбікеева финалға шығып, өзбекстандық Навбахор Хамидовамен кездесті. Алғашқы екі раундта есе жібергеніне қарамастан, қазақстандық боксшы жекпе-жектің бағытын өзгертіп, екінші алтын медалін жеңіп алды.
Instagram-дағы бұл жарияланымды көру
Еске салайық, World Boxing ұйымдастырған бокстан Әлем кубогінің екінші кезеңі 15-21 маусым аралығында Гуйян қаласында (Қытай) өтеді. Жарысқа қатысатын Қазақстан құрамасы сапында 9 ер және 8 әйел боксшы бар.
