Бокстан қазақстандық әлем чемпионы жаңа қызметке тағайындалды

Бұрынғы боксшы Мерей Ақшалов Қазақстан бокс федерациясының вице-президенті болып тағайындалды, деп хабарлайды Tengri Sport федерацияның баспасөз қызметіне сілтеме жасап.

2013 жылғы бокстан әлем чемпионы федерацияда қоғаммен байланыс мәселелеріне жауапты болады.

"Мерей Ақшалов 2025 жылдың қаңтарынан бастап бүгінгі күнге дейін Қазақстан бокс федерациясының бас хатшысы қызметін атқарды, бокстан әлем және Азия чемпионы, ҚР еңбек сіңірген спорт шебері. Бұдан былай белгілі маман Отандық бокстың насихаты, PR және медиа бағытына жауапты", - делінген хабарламада.

Айта кетейік, Ақшалов 2008 жылғы Олимпиадаға қатысқан, ал өз елімізде өткен Әлем чемпионатындағы жеңісінен кейін 2016 жылғы Ойындарда құрама көшбасшыларының бірі саналған болатын.

2014 жылы ол денсаулығына байланысты спорттық мансабын аяқтауға мәжбүр болды.

Ақшаловтың орнына бас хатшы қызметіне Самат Адхам тағайындалды. Ол бұған дейін U-15 және U-17 құрамаларының үйлестірушісі болған.

Айта кетейік, бокстан Қазақстан құрамасы қазір Қытайда өтіп жатқан Әлем кубогінің кезекті кезеңіне қатысып жатыр. Қазіргі уақытта ерлер мен әйелдер командалары шаршы алаңға шыққан 11 спортшының бір-беуінен айырылды.

Бұған дейін 70 келіге дейінгі салмақ дәрежесінде өнер көрсететін қазақстандық боксшы Лаура Есенкелді Әлем кубогі кезеңінің ширек финалына шықты.

Қазақстанның ең атақты боксшысы Назым Қызайбай да Әлем кубогі кезеңінің ширек финалына жолдама алды.

Сонымен қатар бокстан Әлем кубогі кезеңінің 1/8 финалында қазақстандық Тимур Нұрсейітов жеңіске жетті.

Бұған дейін бокстан екі дүркін әлем чемпионы Сәкен Бибосынов жаңа атақ алған болатын.