Қуаттың айтуынша, спортшылар жанжалды төбелеске дейін жеткізбеуі керек еді, бұл жалпы күрес пен аралас жекпе-жек жанкүйерлеріне жаман үлгі болды.
Бұл ретте қазақстандық спортшы жекпе-жек шеберлері арасында мұндай жағдай кейде болып тұратынын атап өтті.
- Мераб пен ағайынды Нурмагомедовтер арасындағы жағдайға қалай қарайсыз? Сіздің ойыңызша, олар бұл әрекеттері үшін жазалануы керек пе? Жалпы, бұл кәсіби файтерлерге лайықты әрекет пе?
- Маған бұл жағдай ұнамайды! Бізді миллиондаған бала көреді, сондықтан бұл дұрыс үлгі емес. Өкінішке қарай, біз жекпе-жек әлемінде өмір сүріп жатырмыз, кейде мұндай жағдайлар болып тұрады, - деді Қуат тілшімізге берген сұхбатында.
Айта кетейік, Двалишвили мен Усман Нурмагомедов (Хабиб Нурмагомедовтің інісі) арасындағы жанжал RAF күрес турнирі қарсаңында қонақ үйде болған. Қуат Хамитов биыл осы лигада дебют жасады.
Абу-Дабиде Мераб Двалишвилиге шабуыл жасалды
Еске сала кетейік, 12 қарашада таңертең UFC-дің бұрынғы чемпионы, грузиялық Мераб Двалишвили оған спортшы Усман Нурмагомедов пен оның командасы шабуыл жасағанын мәлімдеді. Кейін оқиға түсірілген видеолар пайда болып, Усманның сөздерін растады.
Қазір төбелеске қатысқандардың бәрі полицияға жеткізілгені белгілі, ал лига болған жағдайға қатысты ұстанымын білдіретін баспасөз мәслихатын жоспарлап отыр.
Айта кетейік, Мераб 14 қарашада белдесуі керек еді. Сонымен қатар турнирде Усманның ағасы Умар Нурмагомедов өнер көрсетуі тиіс, ол оқиғаға қатысқандар арасында жоқ.
“Еркек емессіңдер!“ Нурмагомедов пен командасы Абу-Дабиде Двалишвилиді соққыға жыққан
“Еркек емессіңдер!“: Махачев Нурмагомедов пен Двалишвили арасындағы дауға пікір білдірді