Дастан Сәтбаев алғаш рет “Челсидің“ желідегі парақшасында бой көрсетті

"Көктердің" әлеуметтік желілерінде жаттығу сәтінен видео пайда болды. Онда ойыншылар қақпаға соққы бағыттау әдістерін пысықтаған.

Бір сәтте камера объективіне жақында ғана ресми түрде "Челсиге" ауысқан қазақстандық шабуылшы Дастан Сәтпаев нысаналы түрде ілікті.

Қазақстан құрамасының форварды әдемі секіріп, допты басымен ұрғанымен, қақпаны дәл көздей алмады.

Дастан Сәтпаев "Челсиге" аттанды

Еске сала кетейік, 17 маусымда вингер Қазақстан премьер-лигасы аясында "Қайрат" сапындағы соңғы ойынын өткізіп, командасына "Қызылжарды" 3:0 есебімен ойсырата жеңуге көмектесті.

Матч аяқталған соң "Орталық" стадионда арнайы рәсім өтіп, Дастанға ескерткіш жейде табысталды. Ол жанкүйерлерге қолдау көрсеткені үшін алғысын білдірді.

Қазіргі уақытта ол Лондонда және "көктердің" жаңа бапкері, испандық маман Хаби Алонсоның қол астында жаттығып жүр.

Бұған дейін клубтың баспасөз қызметі футболшылардың фотосуреттерін жариялаған болатын, олардың арасында Дастан Сәтпаев та бар.

Фото: chelseafc.com

Сәтпаев "Челси" сапында қашан дебют жасай алады?

Қазақстандықтың "Челсиге" трансфері өткен жылы жасалған болатын, бірақ вингер "Қайрат" сапында өнер көрсетуін жалғастырды. Ресми түрде Сәтпаев кәмелетке толғанға дейін, яғни 2 тамызға дейін Англияда жұмыс істей алмайды.

Сонымен қатар бұл жағдайдың ағылшын командасының шетелдік турнесі аясындағы ойындарға қатысу мүмкіндігіне әсер ететіні белгісіз. Шілде айының соңында "Челси" Аустралияға аттанып, онда бірнеше кездесу өткізеді.

Оның алғашқысы 28 шілдеде "Вестерн Сиднейге" қарсы өтеді.

Ағылшын Премьер-лигасында "Челси" алғашқы матчін Қазақстан уақытымен 24-інен 25-іне қараған түні "Фулхэмге" қарсы өткізеді.

Дастан Сәтпаевтың "Челсидегі" жаңа бапкері маусымға арналған жоспарлары туралы айтты