+7 (777) 001 44
99
Испаниялық танымал бапкер Хаби Алонсо алдағы маусымға арналған жоспары туралы айтты. Маманның сөзінше, ол команда жоспарын айтарлықтай өзгертуге ниетті емес, сонымен қатар өте оптимистік көңіл-күйде екенін атап өтті.
"Егер біз дұрыс теңгерім тауып, дұрыс шешімдер қабылдасақ, жақсы маусым өткізе аламыз. Мен бұған нық сенемін және оң көзқарастамын. Барлығын өзгерту керек деп ойламаймын", - деп "Челси" бапкерінің сөзін инсайдер Фабрицио Романо жеткізді.
🚨 Хаби Алонсо: «Егер біз дұрыс теңгерім тауып, тиісті шешімдер қабылдасақ, жақсы маусым өткізе аламыз».
— Fabrizio Romano (@FabrizioRomano) Шілде 14, 2026
«Мен оптимистік көңіл-күйдемін және бұған шын мәнінде сенемін. Бізге барлық нәрсені өзгертудің қажеті жоқ деп ойлаймын...».pic.twitter.com/vpabI9DEXM
Дастан Сәтпаев "Челсидегі" алғашқы жаттығуын өткізді
Еске сала кетейік, Хаби Алонсо лондондық "Челсидің" бас бапкері болып тағайындалғаннан кейін командамен бірге алғашқы жаттығуын өткізді.
Клуб баспасөз қызметі футболшылардың суреттерін жариялады. Олардың арасында клубқа ресми түрде жақында қосылған қазақстандық ойыншы, жұлдызды шабуылшы Дастан Сәтпаев та бар.
Фото: chelseafc.com
Сәтпаев "Челси" сапында қашан дебют жасай алады?
Қазақстандықтың "Челсиге" трансфері былтыр жасалған болатын, бірақ вингер "Қайрат" сапында өнер көрсетуін жалғастырды. Ресми түрде Сәтпаев кәмелетке толғанға дейін, яғни 2 тамызға дейін Англияда жұмыс істей алмайды.
Бұл жағдай ағылшын командасының шетелдік турнесі аясындағы ойындарға қатысу мүмкіндігіне әсер ететіні белгісіз. Шілденің аяғында "Челси" Аустралияға аттанып, онда бірнеше кездесу өткізеді.
Оның алғашқысы 28 шілдеде "Вестерн Сиднейге" қарсы өтеді.
Англия Премьер-лигасында "Челси" алғашқы матчін Қазақстан уақытымен 25 тамызға қараған түні "Фулхэмге" қарсы өткізеді.
Instagram-дағы бұл жарияланымды көру
Сәтбаев “Челсидегі“ алғашқы жаттығуын өткізді: фото жарияланды
