Қазақша
Русский
Беделді Transfermarkt порталы Қазақстан құрамасының вингері Дастан Сәтпаевтың лондондық "Челси" сапына қосылар алдындағы нарықтық құнын жаңартты, деп хабарлайды Tengri Sport.
17 жастағы қазақстандықтың трансферлік құны 500 мың еуроға (шамамен 280 миллион теңге) қымбаттады. Енді оның құны 3,5 миллион еуроны құрайды.
Осылайша, Дастан Сәтпаев Қазақстанның ең қымбат футболшысы атанды.
"Қайраттың" бұрынғы ойыншысының ең жақын ізбасары - ресейлік "Ахматта" өнер көрсететін Максим Самородовтың құны 3 миллион еуроға бағаланып отыр.
Дастан Сәтпаев "Челсиге" аттанбас бұрын Қазақстанмен қоштасты
Еске сала кетейік, 17 маусымда вингер Қазақстан премьер-лигасы аясында "Қайрат" сапындағы соңғы ойынын өткізіп, командасына "Қызылжарды" 3:0 есебімен ойсырата жеңуге көмектесті.
Матч аяқталған соң Орталық стадионда арнайы рәсім өтіп, Дастанға ескерткіш жейде табысталды. Ол жанкүйерлерге қолдау көрсеткені үшін алғысын білдірді.
Енді ол "көктердің" жаңа бапкері Хаби Алонсоға өзін жақсы қырынан көрсету үшін Лондонға аттанады.
Сәтпаев "Челсиге" қалай жетті?
Сәтпаев жасөспірімдер деңгейінде көзге түсіп, соның нәтижесінде "Челсиге" сатылды. Қазақстан үшін рекорд трансфер туралы хабарланғаннан кейін, ол "Қайраттың" негізгі құрамында ел чемпионатында да, Чемпиондар лигасында да бақ сынауға мүмкіндік алды.
Алғашқы маусымның өзінде-ақ ол өте жоғары нәтиже көрсетті: тек ҚПЛ-да 14+6, ал Чемпиондар лигасында 4+1 ұпай жинады. Сондай-ақ Сәтпаевтың еншісінде Қазақстан құрамасы сапында соққан голы бар, бұл оны ұлттық құрама тарихындағы ең жас гол авторы етті.
Дастан барлық турнирде жалпы саны 27 гол соғып, 9 нәтижелі пас берді.
Айта кетейік, Сәтпаевтың Лондонға ресми ауысуы әлі толық аяқталған жоқ, ол команда сапында 18 жасқа толғаннан кейін ғана дебют жасай алады, яғни 12 тамыздан ерте емес.
Сәтпаев қалай “Қайратпен“ қоштасып, “Челсиге“ кетті. Алматыдан репортаж
Дастан Сәтпаевтың “Челсиге” ауысуы жас жанкүйерлерді жылатты
Талғат Байсуфинов футболдан Қазақстан құрамасының бас бапкері қызметінен кетті
+7 (777) 001 44 99
