Екі нокаут қазақстандық қыздарды бокстан Азия чемпионатының финалына шығарды

Жартылай финалдық жекпе-жекте Ұбайдуллақызының 80 келіге дейінгі салмақ дәрежесіндегі қарсыласы қырғызстандық боксшы Мирим Чинбекова болды.

Кездесу екінші раундта мерзімінен бұрын аяқталды. Ұбайдуллақызы соққылар сериясын жасап, рефери қарсыласына нокдаун есептеді, кейін қазақстандық боксшының техникалық жеңісін тіркеді.

Осылайша, Айдана Ұбайдуллақызы 19 жасқа дейінгі Азия чемпионатының финалына жолдама алды.

80 келіден жоғары дивизионда өнер көрсететін Зарина Толыбай вьетнамдық спортшы Цзи Гунь Ань Лемен кездесіп, бір минут ішінде қарсыласын үш рет нокдаунға жіберді.

Нәтижесінде рефери жекпе-жекті тоқтатып, техникалық нокаутпен жеңіске жеткенін жариялады.

Айта кетейік, бұған дейін тағы бір қазақстандық боксшы Камила Оспанова 19 жасқа дейінгілер арасында бокстан Азия чемпионатының финалына өткен болатын.

70 келіге дейінгі салмақ дәрежесінде Камиланың қарсыласы оңтүстіккореялық Мина Жанг болды, қазақстандық спортшы оны төрешілер шешімімен 4:1 есебімен жеңді.

Еске сала кетейік, бокстан 19 және 23 жасқа дейінгі спортшылар арасындағы Азия чемпионаты Жакартада (Индонезия) өтіп жатыр.

Қазақстан құрамасы бокстан Азия чемпионатының финалына алғашқы жолдаманы алды