Елдос Сметов Олимпиада алтынынан кейінгі алғашқы жеңісіне қол жеткізді

Фото © Tengrinews.kz / Тұрар Қазанғапов

Дзюдодан Қазақстанның Олимпиада чемпионы Елдос Сметов екі жылдық үзілістен кейін татамиге оралып, сенімді жеңіске жетті, деп хабарлайды Tengri Sport.

Еліміздің ең атақты дзюдошысының алғашқы белдесулері Қытайдағы Гран-при турнирінде өтті. Сметов 1/16 финалда жарыс иесі Сунь Цзяхаодан айласын асырып, тиімді әдіспен (10-0) тізе бүктірді.

Instagram-дағы бұл жарияланымды көру

KAZ JUDO TEAM (@kaz_judoteam) парақшасынан жарияланым

Ширек финалға жолдама беретін кездесуде Сметов Еуропа чемпионатының күміс жүлдегері Балабай Агаевтан (Әзербайжан) басым түсті.

Instagram-дағы бұл жарияланымды көру

KAZ JUDO TEAM (@kaz_judoteam) парақшасынан жарияланым

Елдос Сметов - Олимпиада чемпионы

Еске сала кетейік, қазақстандық Елдос Сметов қатарынан үш Олимпиада ойындарында жүлде иеленген: 2016 жылы күміс, 2021 жылы қола және 2024 жылы алтын. Сметовтің Париждегі жеңісі ел тарихындағы дзюдодан тұңғыш алтын болды.

Париж Олимпиадасынан кейін чемпион біраз үзіліс алды: алдымен ағылшын тілін үйренуге кетсе, кейін өзін көптен бері мазалап жүрген жарақаттарына байланысты бірнеше ота жасаған болатын.

Қытайдағы Гран-при - Сметов үшін Олимпиада финалындағы жеңістен кейінгі алғашқы ресми турнир.