Қазақстандық дерби Жапониядағы WTA 500 сериялы турнирінің 1/8 финалында өтті. Кездесу қарсаңында Әйелдер теннисі қауымдастығы (WTA) Елена Рыбакинаға қалған турнирлердің нәтижесіне қарамастан, жыл қорытындысы бойынша бірінші сатыны иелену үшін бір жеңіс жеткілікті екенін мәлімдеген болатын.
Әлемнің бірінші ракеткасы Путинцеваға қарсы матчте 6:2; 6:3 есебімен басым түсіп, 1/4 финалға жолдама алды. Енді олардың өзара кездесулерінде Рыбакина алға шықты (3-2).
Елена Рыбакина - 2026 жылдың қорытындысы бойынша әлемнің бірінші ракеткасы
Естеріңізге сала кетейік, қазақстандық теннисші өз мансабында алғаш рет ресми түрде әлемдік рейтингті US Open турниріндегі жеңісінен кейін, 14 қыркүйекте ресми түрде бастаған болатын.
Өткен аптада Рыбакина Қытайдың Нинбо қаласында өткен WTA 500 сериялы турнирінде жеңіске жетті – бұл оның жаңа мәртебедегі алғашқы жеңісі болды.
Қазіргі уақытта Елена Рыбакинаның WTA рейтингінің көш басында тұрғанына жетінші апта болды.
Рыбакинаның әлемдік рейтингте Арина Соболенкодан басымдығы қазір 1949 ұпайды құрайды, Беларусь теннисшісі маусым соңына дейін бұл айырмашылықты қысқарта алмайды. Алда теннисшілерді WTA Қорытынды турнирі күтіп тұр, онда қазақстандық спортшы өткен жылғы титулын қорғауға тырысады және 1500 ұпайынан айырылып қалу қаупі бар.