Бүгін, 30 қазанда қазақстандық теннисші Токиодағы (Жапония) WTA 500 турнирінің 1/4 финалында канадалық Лейла Фернандеске қарсы ойнауы тиіс еді. Матч басталуы керек сәтте ұйымдастырушылар кездесу өтпейтінін жариялады.
"Елена, тезірек сауығып кет! Рыбакина жарақатына байланысты турнирден бас тартқан соң, Лейла Фернандес Токио турнирінің жартылай финалына шықты", - делінген WTA мәлімдемесінде.
Айта кетейік, бұған дейінгі кездесудегі жеңісінен кейін Рыбакина жарақат алғаны туралы ешқандай мәлімдеме жасамаған болатын.
Елена Рыбакина қазақстандық дербиде тарихи жетістікке қол жеткізді
Еске сала кетейік, Токио турнирінің 1/8 финалында Рыбакина екі сетте отандасы Юлия Путинцевадан басым түсті.
Бұл жеңіс қазақстандық спортшыға жыл қорытындысы бойынша әлемнің бірінші ракеткасы атағын мерзімінен бұрын иеленуге мүмкіндік берді. Келесі матчтердің, сондай-ақ қазақстандық теннисші қатыса алатын WTA Қорытынды турнирінің нәтижелері оның рейтингтегі орнына әсер етпейді.
Бұған дейін Қазақстан өкілдерінің ешқайсысы маусымды әлемнің бірінші ракеткасы мәртебесінде аяқтамаған. Айта кетейік, тарихта 17 теннисші ғана маусымды әлемдік рейтинг шыңында аяқтай алған.
Елена Рыбакина жылды әлемдік рейтингтің көшбасшысы ретінде аяқтайды
Рыбакина жылды әлемнің бірінші ракеткасы ретінде аяқтайтынына қатысты пікір білдірді