Жанкүйерлер US Open турнирінде Бубликтің сүлгісі үшін “шайқас“ ұйымдастырды

Фото: instagram.com/ktf.kz

Қазақстанның бірінші ракеткасы Александр Бублик US Open турнирінің алғашқы матчінде жеңіске жетіп, жанкүйерлер арасында ерекше сыйлық ойнатты, деп хабарлайды Tengri Sport.

Александр Бублик US Open турнирінің бірінші айналымында жеңіске жеткеннен кейін, қазақстандық теннисшінің жанкүйерлері одан ескерткіш ретінде сүлгісін сұрады.

Тартысты олжаның кімге бұйыратынын әділ шешу үшін жанкүйерлер оны "тас, қайшы, қағаз" ойыны арқылы сарапқа салды.

Осы ерекше "шайқастың" жеңімпазы Александр Бубликтің сүлгісін еншілеп кетті.

Instagram-дағы бұл жарияланымды көру

US Open (@usopen) жариялаған жазба

Бублик US Open турнирін жеңіспен бастады

Еске сала кетейік, турнирдің алғашқы матчінде Қазақстанның бірінші ракеткасы Александр Бублик америкалық теннисші Джеффри Вулфты 3:1 (6:4, 6:2, 3:6, 6:1) есебімен ұтты.

Қазақстандық спортшы 18 эйс жасап, 10 рет доп беруде қателік жіберді және 8 брейк-пойнттың 7-еуін сәтті пайдаланды. Ал америкалық теннисші 4 эйс жасап, 3 рет қос қателік жіберді және 8 брейк-пойнттың 3-еуін орындады.

Instagram-дағы бұл жарияланымды көру

US Open (@usopen) жариялаған жазба

Айта кетейік, Қазақстанның тағы бір өкілі Александр Шевченко бірінші айналымда хорватиялық Дино Прижмичтен жеңіліп қалды. Бес сетке созылған матчте қазақстандықтың матчболы болғанымен, ол ойынды жеңіске дейін жеткізе алмады.