+7 (777) 001 44
99
Қазақстан командасы Ұлттар лигасының үшінші турында "Астана Аренада" 1:2 есебімен есе жіберіп, топта соңғы орынға сырғыды.
Бапкердің айтуынша, оның штабында бірде-бір шетелдік көмекші болмаса да, ол жауапкершілікті қазақстандық мамандарға артқысы келмейді.
"Мен мұнда көмектесу үшін келдім - бапкер ретіндегі жұмысымның мәні осында. Әрине, мен жауапкершілікті өз мойныма аламын, бұл да менің қызметімнің бір бөлігі. Біз жақсара түсу үшін, әсіресе қазір - біртұтас команда болып қалу үшін барымызды салып жатырмыз. Кешегі жаттығу мен бүгінгі дайындық барысынан жігіттердің қаншалықты жинақы екенін көріп отырмын, біз осы еңбекті жақсы нәтижеге айналдыруымыз керек.
Бұл - біздің мақсатымыз, ал бапкердің міндеті - командаға бағыт-бағдар беру. Көмекшілерге келсек, мен Федерациямен келіссөздер жүргіздім және қазіргі ассистенттеріме көңілім толады. Олар - жоғары деңгейлі мамандар, мен қазақстандық бапкерлермен жұмыс істегім келетінін де айтқанмын", - деді ол кезекті кездесу алдында өткен баспасөз мәслихатында.
Еске салайық, 6 қазанда Қазақстан құрамасы өз алаңында Фарер аралдары командасын қабылдайды.
Қазіргі уақытта Джон ван ’т Шкиптің ұлттық құрама тізгінінде бірде-бір жеңісі жоқ, ал Ұлттар лигасындағы қоржынында небәрі бір ұпай ғана бар - ол Фарер аралдарымен өткен сырт алаңдағы тең ойыннан кейін еншіленген.
Одан кейін Словакиядан және екі жылға жуық уақыт бойы ресми матчтерде жеңіске жетпеген Молдовадан жеңіліс тапты.
Бұған дейін Фарер аралдары құрамасының шабуылшысы Адриан Юстинуссеннің Қазақстанға қарсы сырт алаңдағы матчке қатысудан бас тартқаны белгілі болған.
