Жеңілмеген қазақстандықтың жекпе-жегі күтпеген нокаутпен аяқталды

Фото: instagram.com/temiroov_

Орта салмақта өнер көрсететін жеңілмеген қазақстандық кәсіпқой боксшы Виктор Теміров венесуэлалық Джонни Санчесті нокаутқа түсірді, деп хабарлайды Tengri Sport.

Орта салмақтағы қазақстандық боксшы Виктор Теміров тәжірибелі венесуэлалық Джонни Санчесті мерзімінен бұрын жеңіп, өзінің жеңісті сериясын жалғастырды. 2026 жылғы 3 қазанда Гамбургте (Германия) өткен жекпе жек алты раундқа жоспарланған болатын.

Instagram-дағы бұл жарияланымды көру

Temirov Viktor (@temiroov_) жарияланымы

Бірінші раундтың аяғында Теміров 39 жастағы қарсыласын шаршы алаңда сұлатып салды. Санчес орнынан тұрып, жекпе-жекті жалғастырғанымен, екінші раундта қазақстандық оны тағы екі рет нокдаунға жіберді.

Үшінші рет құлағаннан кейін төреші кездесуді тоқтатты – техникалық нокаутпен жеңіс тіркелді.

Instagram-дағы бұл жарияланымды көру

Temirov Viktor (@temiroov_) жарияланымы

Виктор Теміров деген кім?

Виктор Теміров – қазақстандық кәсіпқой боксшылар жаңа буынының жарқын өкілдерінің бірі. Ол 1999 жылыАлматы облысының Базаркелді ауылында дүниеге келген.

Боксқа біршама кеш – 16 жасында келді. Әуесқойлық мансабы да ұзаққа созылмады. Теміров бастапқыдан кәсіпқой боксты көздеп, әуесқойлық атақтарға немесе Олимпиадаға ұмтылмаған.

Instagram-дағы бұл жарияланымды көру

Temirov Viktor (@temiroov_) жарияланымы

Кәсіпқой рингтегі дебюті 2021 жылдың шілдесінде Мюнхенде (Германия) өтті. Теміров жекпе-жектерінің барлығын дерлік Германияда өткізеді – бұл елде кезінде Геннадий Головкин де кәсіпқой жолын бастаған болатын.

2026 жылдың ақпанында Бад-Херсфельдте Теміров жеңілмеген неміс боксшысы Доменик Арнольдты бесінші раундта техникалық нокаутпен тоқтатып, орта салмақта WBF нұсқасы бойынша әлем чемпионы атағын жеңіп алды.

Instagram-дағы бұл жарияланымды көру

Temirov Viktor (@temiroov_) жарияланымы

Теміров – жаңа Головкин бе?

Германия жұртшылығы мен жергілікті мамандар Виктор Теміровті жас Геннадий Головкинмен жиі салыстыра бастады.

2000-жылдардың басындағы GGG сияқты, Теміров те мансабын Германияда құрып жатыр. Мұнда қазақстандық боксшыларды қатал әрі тартысты жекпе-жек шеберлері ретінде танып қалған.

Сондай-ақ жас қазақстандықтың рингтегі агрессиясы, қысым көрсетуі, ашық айқасқа дайындығы және жеңістерінің көбін мерзімінен бұрын аяқтауы оны Головкинге ұқсата түседі.