+7 (777) 001 44
99
Мексикалық боксшы, әлем чемпионы Сауль "Канело" Альварес World Boxing басшысы әрі Қазақстаннан шыққан бұрынғы әлем чемпионы Геннадий Головкинмен арадағы әңгімесінің мән-жайын айтты. Бұрынғы қарсыластар Гизадағы (Мысыр) бокс кешінде кездесті, деп хабарлайды Tengri Sport.
Канелоның айтуынша, ол Головкинмен өткен-кеткенді еске алып, рингтегі кездесулерін талқылаған.
- Бүгін кешке Геннадий Головкинмен кездесу қандай әсер қалдырды?
"Біз оқиғаларымызды бөлістік. Арамызда үш жақсы жекпе-жек өтті. Онымен рингке шыққаныма қуаныштымын, енді міне, емен-жарқын сөйлесіп отырмыз", - деп келтіреді Канелоның сөзін Pro Boxing Fans.
Сонымен қатар Канело қазақстандық боксшының рингке қайта оралу мүмкіндігі туралы пікір білдірді.
- Геннадий рингке қайтып оралғысы келетінін айтып жүр. Қалай ойлайсыз, оған мұндай қадамға барған дұрыс па?
"Ол өз қалауын істеуге ерікті. Меніңше, ол бұған лайықты. Егер рингке оралып, тағы бір жекпе-жек өткізсе, бұл өте жақсы болар еді", - деді мексикалық спортшы.
Еске сала кетейік, Головкин кәсіпқой бокстағы кейірнгі жекпе-жегін Канелоға қарсы өткізген болатын. 2022 жылдың қыркүйегінде мексикалық боксшы төрешілер шешімімен жеңіске жетті. Бұл бір тең түсу мен Канелоның екі жеңісі тіркелген трилогияның қорытындысы еді.
‼️ 𝐂𝐀𝐍𝐄𝐋𝐎 𝐓𝐀𝐋𝐊𝐒 𝐆𝐄𝐍𝐍𝐀𝐃𝐘 𝐆𝐎𝐋𝐎𝐕𝐊𝐈𝐍 𝐑𝐄𝐓𝐔𝐑𝐍 👀#UsykRico #UsykVerhoeven pic.twitter.com/20zmXlpxsi
- Pro Boxing Fans (@ProBoxingFans) 2026 жылғы 24 мамыр
Геннадий Головкин кәсіпқой бокстағы мансабын әлі аяқтаған жоқ
Айта кетейік, Геннадий Головкин орта салмақтағы WBC, IBO, IBF және WBO нұсқалары бойынша бұрынғы әлем чемпионы. Ол кәсіпқой бокста 45 жекпе-жек өткізіп, оның 42-сінде жеңіске жеткен, тек екі рет Канелодан төрешілер шешімімен жеңіліс тапты.
2024 жылы Головкин Қазақстанның Ұлттық Олимпиадалық комитетінің басшысы болса, 2025 жылы World Boxing президенті болып сайланды.
Десе де, Головкин мансабын аяқтау туралы сұраққа ешқашан нақты "иә" деп жауап берген емес.
Ортақ 36 раунд 🤝
- Ring Magazine (@ringmagazine) 23 мамыр, 2026 жыл
Канело Альварес пен Геннадий Головкин Мысырдағы ринг жанында кездесті 👏
Glory in Giza | 23 мамыр | Қазір DAZN-да тікелей эфирде 🥊 pic.twitter.com/Wx8Y4Qg6bz
Геннадий Головкин Усиктің жекпе-жегіне барып, Канеломен кездесті
