"Қайрат" Италияда екінші жыл қатарынан ойнайды
Былтырғы маусымға дейін италиялық командалар еурокубоктарда қазақстандық ұжымдармен ешқашан кездеспеген болатын. Алғашқы ойын бірден Чемпиондар лигасына тұспа-тұс келді - тура бір жыл бұрын, 2025 жылдың 5 қарашасында "Сан-Сиро" стадионында өткен матчте "Қайрат" "Интерден" 2:1 есебімен жеңілген еді.
Бүгін алматылықтар тағы Италияда, бірақ бұл жолы Бергамода бақ сынайды. Былтырғыдай бұл кездесуде иеленген кез келген ұпай сенсация болады.
"Аталанта" 45 есе қымбат: негізгі құрам ойыншылары басым бөлігінің құны "Қайраттың" бүкіл құрамынан жоғары
Командалар деңгейіндегі айырмашылықты Transfermarkt порталындағы футболшылардың құны айқын көрсетеді. Сайт италиялық клубты 449 миллион еуроға бағаласа, алматылықтардың құны небәрі 9,2 миллион.
"Аталантаның" ең қымбат ойыншысы - бразилиялық жартылай қорғаушы Эдерсон - 40 миллион еуро тұрады, ал ең қымбат 15 ойыншының кез келгені 10 миллиондық межеден асады.
Бағадан бөлек, клубтың еурокубоктық тәжірибесі де зор - "Аталанта" Чемпиондар лигасында сан мәрте өнер көрсетіп, небәрі екі жыл бұрын еуропалық трофейді жеңіп алған.
"Қайраттың" жеңіске жету мүмкіндігі неде?
Егер "Аталантаның" жеңісіне не кедергі болуы мүмкін десек, команда кейінгі рет 16 қазанда Конференция лигасында "Пафосты" жеңгенін атап өтуге болады. Одан кейін олар "Милан", "Аякс" пен "Пармадан" жеңіліп, "Фиорентина" және "Фрозинонемен" тең түсті.
Сонымен қатар "Пармадан" кейінгі жеңілісі небәрі үш күн бұрын - дүйсенбіден сейсенбіге қараған түні болды, ал "Қайрат" Қазақстан чемпионатындағы кейінгі ойынын 31 қазанда өткізді.
"Аталанта" мен "Қайрат" ойыншылары алаңда бірнеше рет кездескен: Яакко Оксанен италиялықтарға қарсы Финляндия U-19 құрамасы сапында ойнаса, Тапалов, Қасаболат және Анарбеков Қазақстан құрамасының Бельгия мен Солтүстік Македонияға қарсы ойындарында кездескен.
Ең сәтті тәжірибе "Қайрат" қақпашысы Темірлан Анарбековке тиесілі. Ол қақпа күзеткен матчте Қазақстан құрамасы "Аталанта" жұлдызы Шарль де Кетеларе бастаған бельгиялықтарды тоқтата алды. Командалар 1:1 есебімен тең ойнап, алматылық қақпашы 7 сэйв жасап, бельгиялықтар үшін "қорқынышты түске" айналды.
"Аталанта" - "Қайрат": тікелей көрсетілім
Конференция лигасының үшінші турындағы "Аталанта" - "Қайрат" матчі 5 қарашада Қазақстан уақытымен 22:45-те басталады.
Ойынды Qazsport арнасы, сондай-ақ телеарна сайты тікелей эфирде көрсетеді.
“Қайрат“ УЕФА Жасөспірімдер лигасының плей-оффына жақын қалды
Бір матчтегі 10 гол және “Реалдың“ камбэгі: Чемпиондар лигасына шолу
“Қайрат“ чемпиондық атақтан айырылды: бас бапкер қызметінен кетті