“Қайрат“ Канье Уэстің концертінен кейін стадионға қатысты шешім қабылдады

Фото: PopularImages/depositphotos.com; Tengrinews.kz / Әлихан Сариев

Алматылық "Қайраттың" Еуропа лигасы плей-офф кезеңінде бельгиялық "Андерлехтке" қарсы өз алаңындағы матчі қайда өтетіні белгілі болды, деп хабарлайды Tengri Sport.

УЕФА-ның ресми сайтындағы мәліметке сәйкес, кездесу қазақстандық клубтың өз стадионында өтеді.

Матч 20 тамызда Алматыдағы Орталық стадионда өтетіні және Қазақстан уақытымен сағат 20:00-де басталатыны хабарланды.

Скриншот: uefa.com

Instagram-дағы бұл жарияланымды көру

«Қайрат» ФК | FC Kairat Almaty (@f.c.kairat) жарияланымы

Бельгияның ең атақты клубы Қазақстанға келеді

Брюссельдік "Андерлехт" 34 рет Бельгия чемпионы атанған, бұл – ұлттық рекорд. Алайда клуб соңғы титулын 2016/2017 маусымында жеңіп алған болатын.

Өткен маусымда команда чемпионатта төртінші орынға табан тіреп, Бельгия кубогінің финалында жеңіліп қалды, сондықтан еурокубок жолын Еуропа лигасының екінші іріктеу кезеңінен бастады. Бұл кезеңде "Андерлехт" швециялық "Хаммарбюді" артта қалдырды: сыртта 1:1 және өз алаңында 3:1. Келесі кезеңде бельгиялықтар грекиялық ПАОК-ты екі рет - 1:0 және 3:2 есебімен ұтты.

Құрамның құны бойынша "Андерлехт" "Қайраттан" тоғыз есеге жуық қымбат: тиісінше 81,4 миллион еуро мен 9,2 миллион еуро. Бельгиялық клубтың ең қымбат екі футболшысының әрқайсысы 10 миллион еуроға бағаланған - бұл алматылықтардың бүкіл құрамынан да жоғары.

Ескерту: Transfermarkt порталының мәліметтеріне сәйкес.

Instagram-дағы бұл жарияланымды көру

RSC Anderlecht (@rscanderlecht) жарияланымы

Канье Уэст "Қайраттың" ЧЛ матчіне арналған стадионын "тартып алды"

Еске салсақ, 15 тамызда Орталық стадионда әйгілі америкалық рэпер Канье Уэстің концерті өтті.

Бұған дейін "Қайрат" өкілдері бұл шара клубпен келісілмегенін, ал команданың осы күндері болгариялық "Левскиге" қарсы Чемпиондар лигасының іріктеу кезеңі аясында өз алаңындағы матчі жоспарланғанын мәлімдеген еді.

Соған қарамастан, кездесу Түркістанға ауыстырылып, алматылықтарға Чемпиондар лигасының аса маңызды матчін өз стадионында өткізу мүмкіндігі бұйырмады. Нәтижесінде "Қайрат" жалпы 0:2 есебімен жеңіліп, Чемпиондар лигасынан шығып қалды.

Instagram-дағы бұл жарияланымды көру

«Қайрат» ФК | FC Kairat Almaty (@f.c.kairat) жарияланымы

"Қайрат" күзде еурокубоктарда өнер көрсетеді

Айта кетейік, "Андерлехттен" жеңілген жағдайда да "Қайрат" маусымның соңына дейін еурокубоктардағы өнерін жалғастырады. Алматылық клуб Чемпиондар лигасының алдыңғы іріктеу кезеңінің қорытындысы бойынша кем дегенде Конференция лигасының негізгі кезеңіне қатысуды қамтамасыз етіп қойған.