+7 (777) 001 44
99
Қазақстандық боксшы Евгений Павлов америкалық қарсыласы кіші Антонио Дантон Элмен болған диалогын жариялады, деп хабарлайды Tengri Sport.
Павлов пен Элдің жекпе-жегі кеше Балтиморда (АҚШ) өтіп, алты раундтың қорытындысы бойынша қазақстандықтың ұпай саны бойынша сенімді жеңісімен аяқталды. Жеңілістен кейін Антонио әзіл аралас stories жариялаған еді, бірақ оған байсалды жауап қайтарылды.
"Мен шынымен де ресейлікпен төбелесіп, аман қалдым", - деп әзілдеді америкалық.
"Мен ресейлік емеспін. Мен - қазақпын, бауырым", - деп жауап берді Павлов.
"О, кешірім өтінемін, досым", - деп қарсыласы өз қатесін мойындады.
Айта кетейік, 26 жастағы қазақстандық спортшы кәсіпқой бокстағы мансабын 2020 жылы бастап, содан бері қатарынан 11 жеңіске жеткен, оның сегізі - мерзімінен бұрын.
Бұл ретте, кіші Элмен өткен жекпе-жекке дейін Павлов үш жылдан астам уақыт бойы рингке шықпаған болатын.
Фото: instagram.com/pavlov_pablo_/
