Қазақстан алғашқы алтыннан кейін Азия пара ойындарының медальдық есебінде көш бастады

Фото: ҚР Паралимпиада комитеті

Қазақстандық мерген Еркін Ғаббасов Аичи мен Нагояда (Жапония) өтіп жатқан Азия пара ойындарында 10 метрге пневматикалық мылтықтан атудың R1 дисциплинасы бойынша чемпион атанды, деп хабарлайды Tengri Sport.

Паралимпиаданың күміс жүлдегері 249,1 ұпай жинап, Азия пара ойындарының жаңа рекордын орнатты.

Қазақстандық спортшы Оңтүстік Корея өкілдері Пак Джинхо (248 ұпай) мен Ли Джанхоны (226 ұпай) артта қалдырды.

Айта кетейік, Қазақстан құрамасының қоржынында жазғы Азия пара ойындарының екі медалі бар. Ғаббасовтың алтынынан бөлек, пара пауэрлифтингтен Тұрсынай Қабыл күміс жүлде иеленді.

Қазақстан құрамасы медальдар кестесінде көш бастады

Екі медальдың арқасында Қазақстан командасы Азиаданың жалпы есебінде бірінші орында тұр. Қытай, Иордания, Корея және Вьетнам құрамалары кейінгі орындарға жайғасты.

Скриншот: results.apg2026.org/

Еске сала кетейік, Азия пара ойындары 24 қазанға дейін жалғасады. Алдыңғы ойындарда Қазақстан құрамасы 8 алтын медаль жеңіп алып, жалпы есепте 11-орынға тұрақтады.

Қазақстан құрамасы Азия пара ойындарының ашылу салтанатына қатысты

Бұған дейін шпагамен семсерлесуден Қазақстан құрамасы Әлем кубогінің алтынын жеңіп алған болатын.